- గుత్తా సుఖేందర్‌ రెడ్డి
నవ తెలంగాణ-సరూర్‌నగర్‌
తెలంగాణ గ్రామీణ బ్యాంక్‌ రిటైర్డ్‌ సీనియర్‌ మేనేజర్‌, స్నేహపురికాలనీ సంక్షేమ సంఘం అధ్యక్షులు అనంతుల సురేందర్‌రెడ్డి, బావ మర్యాద నరేందర్‌ రెడ్డి ఇటీవల అనారోగ్యంతో మృతి చెందాడు. ఈవిషయం తెలుసుకున్న తెలంగాణ శాసనమండలి చైర్మన్‌ గుత్తసుఖేందర్‌ రెడ్డి, ఎల్బీనగర్‌ ఎమ్మెల్యే దేవిరెడ్డి సుధీర్‌రెడ్డి, మాజీ ఎమ్మెల్యే మల్‌ రెడ్డి రంగారెడ్డి, మేడ్చల్‌ జిల్లా పరిషత్‌ చైర్మన్‌ శరత్‌చంద్రరెడ్డి ఆదివారం నరేందర్‌రెడ్డి కుటుంబ సభ్యులను స్నేహపురికాలనీలో పరామర్శించారు. తెలంగాణ గ్రామీణ బ్యాంక్‌ లో ఎన్నో సంవత్సరాలు సేవలందించిన నరేందర్‌ రెడ్డి సేవలను కొనియాడారు. ఈ సందర్భంగా వారి కుటుంబ సభ్యులకు ప్రగాఢ సానుభూతి తెలియజేసి నరేందర్‌ రెడ్డి చిత్రపటానికి పూలమాలలు వేసి నివాళులర్పించారు. ఈ కార్యక్రమంలో అనంతుల సురేందర్‌ రెడ్డి, అనంతుల రాజిరెడ్డి, తిప్పర్తి జడ్పిటిసి రామిరెడ్డి, భీముడి మాధవరెడ్డి, వెంకట్‌ రామ్‌ రెడ్డి, . వెంకట్‌ రెడ్డి, మర్యాద, సరళ, అహల్య, హనీష తదితరులు పాల్గొన్నారు.
