నవతెలంగాణ-కాప్రా
మీర్పేట్‌ హెచ్‌బీ కాలనీ డివిజన్‌ విరాట్‌ విశ్వకర్మ మహా యజ్ఞ మహౌత్సవం కాప్రా సర్కిల్‌ వారి విశ్వబ్రాహ్మణ సంఘం ఆధ్వర్యంలో మీర్పేట్‌ హౌసింగ్‌ బోర్డు డివిజన్‌లోని ఫస్ట్‌ ఫేస్‌ గ్రౌండ్‌లో 16వ సంవత్సర మహా యజ్ఞం నిర్వహించారు. ఈ కార్యక్రమానికి ముఖ్యఅతిథిగా విచ్చేసిన ఉప్పల్‌ ఎమ్మెల్యే భేతి సుభాష్‌ రెడ్డి నవరాత్రుల సందర్భంగా నెలకొల్పిన దుర్గ అమ్మవారి విగ్రహానికి ప్రత్యేక పూజలు చేశారు. అనంతరం కమిటీ సభ్యులు, అధ్యక్షులు లక్ష్మినారాయణ చారి, అధ్యక్షులు శ్రీనివాస్‌ చారి, ఉపాధ్యక్షుడు మురళీ చారి, జనరల్‌ సెక్రెటరీ మల్లికార్జున్‌, యజ్ఞ కమిటీ సభ్యులు అధ్యక్షుడు ప్రభాకర్‌ చారి, జనరల్‌ సెక్రెటరీ కృష్ణ ప్రసాద్‌, క్యాషియర్‌ శ్యామ్‌ సుందర్‌, రామ్‌ ప్రదీప్‌, ఉప్పల్‌ ఎమ్మెల్యే భేతి సుభాష్‌ రెడ్డిని సన్మానించారు. ఈ కార్యక్రమంలో మీర్‌పేట హౌసింగ్‌ బోర్డ్‌ డివిజన్‌ కార్పొరేటర్‌ జేరిపోతుల ప్రభుదాస్‌, మాజీ కార్పొరేటర్‌ గుండారపు శ్రీనివాస్‌ రెడ్డి, టీఆర్‌ఎస్‌ నాయకులు, స్థానిక కాలనీవాసులు, తదితరులు పాల్గొన్నారు.
