నవతెలంగాణ-నాగోల్‌
ప్రపంచ పర్యాటక దినోత్సవ సందర్భంగా ఇండియా టూరిజం ఆధ్వర్యంలో నిర్వహించిన అవార్డుల ఎంపికలో తెలంగాణ రాష్ట్రం నాలుగు అవార్డులను కైవసం చేసుకుని ఇతర రాష్ట్రాలు ఆదర్శంగా నిలిచిందని రాష్ట్ర పర్యాటక శాఖ అభివృద్ధి సంస్థ చైర్మన్‌ ఉప్పల శ్రీనివాస్‌ గుప్త ఒక ప్రకటనలో తెలిపారు. ప్రపంచ పర్యాటక దినోత్సవాన్ని పురస్కరించుకొని న్యూఢిల్లీలో విజ్ఞాన్‌ భవన్లో ఇండియా టూరిజం ఆధ్వర్యంలో జరిగిన అవార్డుల ప్రధానోత్సవంలో రాష్ట్ర టూరిజం శాఖ మంత్రి వి. శ్రీనివాస్‌గౌడ్‌ ఉపరాష్ట్రపతి చేతుల మీదుగా తెలంగాణ రాష్ట్రానికి నాలుగు విభాగాలలో సాధించుకున్న అవార్డులను అందుకున్నారు. ఈ కార్యక్రమంలో కేంద్ర పర్యాటక శాఖ మంత్రి కిషన్‌ రెడ్డి రాష్ట్ర పర్యాటక శాఖ ప్రభుత్వ కార్యదర్శి సందీప్‌ కుమార్‌ సుల్తానియా లు పాల్గొన్నట్లు వారు తెలిపారు.