నవతెలంగాణ-మేడ్చల్‌ కలెక్టరేట్‌
బతుకమ్మ సంబురాలను మేడ్చల్‌-మల్కాజిగిరి జిల్లా కలెక్టరేట్‌ ఆవరణలో ఆనందోత్సాహాల మధ్య వేడుకగా జరుకుంటున్నారు. శనివారం జిల్లా కలెక్టరేట్‌ ఆవరణలో జిల్లా పంచాయతీ శాఖ, జిల్లా కో-ఆపరేటివ్‌ శాఖ, యువ జన, క్రీడలశాఖ, గ్రౌండ్‌ వాటర్‌ డిపార్టుమెంట్‌తోపాటు ఆయా శాఖల మహిళా అధికారులు, సిబ్బంది బతుకమ్మ ఆడి సందడి చేశారు. బతుకమ్మ పండగలో ఏడో రోజైన శనివారం ఆయా శాఖల మహిళా సిబ్బంది, అధికారులు రంగురంగుల పూలతో బతుకమ్మలను అందంగా పేర్చి బతుకమ్మల చుట్టూ తిరుగుతూ పాటలు పాడుతూ ఆనందోత్సాహాల మధ్య సంబరాలను చేసుకున్నారు. ఈ సంబురాల్లో జిల్లా కలెక్టరేట్‌లోని మహిళా ఉద్యోగులు, ఆయా శాఖల సిబ్బంది పాల్గొని ఆటపాటల మధ్య బతుకమ్మ సంబురాలు చేశారు. ఈ కార్యక్రమంలో జిల్లా పంచాయతీ అధికారి రమణమూర్తి, కలెక్టరేట్‌ ఏవో వెంకటేశ్వర్లు ఆయా శాఖల మహిళా అధికారులు, సిబ్బంది, తదితరులు పాల్గొన్నారు.
