- ఇన్‌స్పెక్టర్‌ వెంకటేశ్వర్లు
నవతెలంగాణ-బడంగ్‌పేట్‌
దసరా పండుగ సందర్భంగా హైదరాబాద్‌ నుండి గ్రామాలలోకి వెళ్లేవారు తమ విలువైన బంగారు నగలు, విలువైన వస్తువులను, డబ్బులు ఇంట్లో ఉంచుకోకుండా తగు జాగ్రత్తలు తీసుకోవాలని, మీరు ఉరికి వెళ్లే సమాచారం సంబంధిత పోలీస్‌ స్టేషన్‌ నందు తెలియచేయాలని పహాడి షరీఫ్‌ ఇన్‌స్పెక్టర్‌ వెంకటేశ్వర్లు ఆదివారం ప్రజలను ఒక ప్రకటనలో కోరారు. ఈ సందర్భంగా ఆయన మాట్లాడుతూ ప్రజలు గ్రామాలకు వెళ్లే సమయంలో ఇంటి గేట్‌కి తాళం వేసి బయటకి కనిపించకుండా గేట్‌ లోపలి వైపు తాళం ఉండే విధంగా జాగ్రత్తలు తీసుకోవాలని తెలిపారు. అనుమానిత వ్యక్తులని గుర్తించినట్లయితే వారి గురించి పోలీసులకి సమాచారం అందించాలని, ప్రజలు ఈ ప్రాంతములో నేరాలని అరికట్టడంలో సహకరించాలని కోరారు.