- ప్రత్యేక పూజలో మేయర్‌ గద్వాల్‌ విజయలక్ష్మి,
- డిప్యూటీ మేయర్‌ శ్రీలతా శోభన్‌రెడ్డి
నవతెలంగాణ-సిటీబ్యూరో
దసరా పండుగ సందర్భంగా జీహెచ్‌ఎంసీ ప్రధాన కార్యాలయంలో మంగళవారం మేయర్‌ గద్వాల్‌ విజయలక్ష్మి, డిప్యూటీ మేయర్‌ మోతె శ్రీలతా శోభన్‌ రెడ్డి తమ తమ ఛాంబర్‌లలో దుర్గా దేవి పూజలను ఘనంగా నిర్వహించారు. ఈ సందర్భంగా మేయర్‌ మాట్లాడుతూ తెలంగాణ సంస్కతి సాంప్ర దాయాల ప్రకారం బతుకమ్మను ఎనిమిది రోజుల పాటు మహిళలు ఆనందోత్సవాలతో ఘనంగా జరుపుకున్నారనీ, తొమ్మిదవ రోజు దుర్గా మాతను పూజించనున్నట్టు తెలిపారు. కరోనా వల్ల ప్రజలు చాలా ఇబ్బందులు పడ్డారనీ, ఈ సారి తగ్గు ముఖం పట్టడంతో పండుగలను ప్రజలు ఆనందంగా, సంతోషంగా జరుపుకుంటు న్నారని అభిప్రాయపడ్డారు. ఈ సందర్భంగా మేయర్‌ నగర ప్రజలకు దసరా శుభాకాంక్షలు తెలిపారు. డిప్యూటీ మేయర్‌ మాట్లాడారు. ఈ కార్యక్రమంలో టీఏటీయూ రాష్ట్ర అధ్యక్షులు శోభన్‌రెడ్డి, శానిటేషన్‌ జాయింట్‌ కమిషనర్‌ సంధ్య, ఓఎస్‌డీ విజయకృష్ణ, పీఏ ఉదరు, సెక్రెటరీ లక్ష్మి, సీపీఆర్‌ఓ మహ్మద్‌ మూర్తుజ, తదితరులు పాల్గొన్నారు.
