- మేయర్‌ చిరురింత పారిజాత నర్సింహారెడ్డి
నవతెలంగాణ-బడంగ్‌పేట్‌
జాతీయ స్థాయిలో చెత్త రహిత మున్సిపల్‌ కార్పొరేషన్‌కు అవార్డు రావటం అదృష్టంగా భావిస్తు న్నానని బడంగ్‌పేట్‌ మున్సిపల్‌ కార్పొరేషన్‌ మేయర్‌ చిరురింత పారిజాత నర్సింహారెడ్డి అన్నారు. మంగళ వారం స్వచ్ఛ భారత్‌ మిషన్‌లో భాగంగా స్వచ్ఛ సర్వేక్షన్‌ 2022 సంవత్సరానికిగాను శానిటేషన్‌, చెత్త రహిత మున్సిపాలిటీల విభాగంలో బడంగ్‌పేట్‌ మున్సిపల్‌ కార్పొరేషన్‌కి అవార్డు రావడంతో మున్సిపల్‌ అడ్మినిస్ట్రేషన్‌ అర్బన్‌ డెవలప్‌మెంట్‌ ఆధ్వర్యంలో ఏర్పాటు చేసిన కార్యక్రమంలో మంత్రి కేటీఆర్‌ చేతులమీదుగా మేయర్‌ చిగిరింత పారిజాత నర్సింహారెడ్డి, కమిషనర్‌ కృష్ణ మోహన్‌రెడ్డి అవార్డు అందుకోవడం జరిగింది. ఈ సందర్భంగా మేయర్‌ మాట్లాడుతూ రానున్న కాలంలో ప్రజాప్రతినిధుల, అధికారుల, మున్సిపల్‌ కార్పొరేషన్‌ శానిటేషన్‌ సిబ్బంది సహకారంతో మరింత అభివృద్ధి సాధిస్తామని తెలిపారు.
