- చిక్కడపల్లి ఏసీపీ యాదగిరి
నవతెలంగాణ-అడిక్‌మెట్‌
ప్రశాంతమైన వాతావరణంలో అందరూ కలిసిమెలిసి పండుగలను జరుపుకోవాలని చిక్కడపల్లి ఏసీపీ యాదగిరి, ముషీరాబాద్‌ ఇన్‌స్పెక్టర్‌ జాంగిర్‌ యాదవ్‌ కోరారు. అమ్మవారి విగ్రహాల శోభాయాత్ర, మిలాద్‌ ఉన్‌ నబీ పండుగను పురస్కరించుకొని ముషీరాబాద్‌ పోలీస్‌ స్టేషన్‌లో స్థానికులతో సమావేశమయ్యారు. ఈ సందర్భంగా వారు మాట్లాడుతూ ముషీరాబాద్‌ నియోజకవర్గం సర్వమత సమ్మేళనం అని అన్నారు. ఇక్కడ ప్రతి ఒక్కరూ కలిసి మెలిసి పండుగలను జరుపుకుంటారని తెలిపారు. ఎటువంటి అవాంఛనీయ సంఘటనలు జరగకుండా ప్రజలు పోలీసులకు సహకరించాలని కోరారు. ప్రశాంతమైన వాతావరణంలో పండుగలు జరుపుకోవడంతో మతసామరస్యం వెల్లువిరుస్తుందన్నారు. ముషీరాబాద్‌ ప్రధాన రహదారులపై ఇరువైపులా భారీఎత్తున పాడైన వాహనాలు నిలుపుతున్నారని వాటిని తక్షణమే తొలగించాల్సిందిగా కోరారు. రాబోవు రోజుల్లో పండగలను మరింత వైభవంగా జరుపుకోవాలని ఆకాంక్షించారు. అందుకు పోలీసుల వైపు నుంచి పూర్తి మద్దతు ఉంటుందని ప్రజలకు హామీ ఇచ్చారు. కార్యక్రమంలో ముషీరాబాద్‌ సబ్‌ ఇన్‌స్పెక్టర్‌, పోలీస్‌ సిబ్బంది పాల్గొన్నారు.
