నవతెలంగాణ-ధూల్‌పేట్‌
ఈనెల 22, 23తేదీల్లో నాంపల్లి ఎగ్జిబిషన్‌ గ్రౌండ్‌లో ఎస్‌ఐవో సంస్థ నిర్వహించే సదస్సులో ప్రముఖుల ప్రసంగాలుంటాయని ఆ సంస్థ కార్యదర్శి ఫరాజ్‌ తెలిపారు. గురువారం మీడియా ప్లస్ ఆడిటోరియంలో జరిగిన ప్రెస్‌మీట్‌లో కాన్ఫరెన్సు గోడపత్రికలను విడుదల చేశారు. ఈసందర్భంగా ఆయన మాట్లాడుతూ హైదరాబాద్ ఎంపీ అసదుద్దీన్‌ ఒవైసీ, జమాఅతె ఇస్లామీహింద్‌ స్టేట్‌ ప్రెసిడెంట్‌ మౌలానా హామిద్‌ ముహమ్మద్‌ ఖాన్‌, ఎస్‌ఐవో (స్టూడెంట్స్‌ ఇస్లామిక్‌ ఆర్గనైజేషన్‌) స్టేట్‌ ప్రెసిడెంట్‌ డాక్టర్‌ తల్హా ఫయాజుద్దీన్‌ విద్యార్థులు, యువతనుద్దేశించి ప్రసంగిస్తారని తెలిపారు. రెండు రోజులపాటు జరిగే ఈ సదస్సులో చిన్న పిల్లలు, యువకులు, విద్యార్థుల కోసం వేర్వేరు కార్యక్రమాలుంటాయని చెప్పారు. విద్యార్థుల కెరీర్‌ గైడెన్స్‌ కోసం ప్రత్యేక ప్రదర్శన ఉంటుందని వివరించారు. కార్యక్రమంలో ఎస్‌ఐవో స్టేట్‌ ప్రెసిడెంట్‌ డాక్టర్‌ తల్హా ఫయాజుద్దీన్‌, కార్యదర్శి జుబేర్‌ తదితరులు పాల్గొన్నారు.
