- మోడల్‌ యునైటెడ్‌ నేషన్స్‌ సదస్సులో పాల్గొన్న విద్యార్థులు
నవతెలంగాణ-బోడుప్పల్‌
విద్యార్థులే ఆయా దేశాల ప్రతినిధులుగా ఉండి నిర్వహిం చిన యునైటెడ్‌ మోడల్‌ నేషన్‌ సదస్సు ఆలోచనాత్మకంగా సాగింది. గురువారం బోడుప్పల్‌ నారాయణ పాఠశాల లకు చెందినవిద్యార్థులు మోడల్‌ యునైటెడ్‌ నేషన్స్‌ సదస్సు నిర్వహించారు. ఈ సదస్సులో విద్యార్థులు వివిధ దేశాల ప్రతినిధులుగా వ్యవహరిస్తూ పేదరిక నిర్మూలన, కరోనా సంబంధిత సమస్యలు, ప్రపంచ ఆర్థికాభివృద్ధి, వ్యవసాయ ఆధారిత నీటి ప్రాజెక్టులపై ప్రసంగించారు. ఆయా దేశాల్లో నెలకొన్న సమస్యలు, వాటిని ఏవిధంగా పరిష్కరించాలన్న విషయాలపై సమగ్రంగా చర్చించారు. అనంతరం పలు తీర్మానాలను ప్రవేశపెట్టారు. అంతర్జాతీ యంగా వివిధ దేశాలపై విద్యార్థుల తమదైన శైలిలో మాట్లాడి అందరి దృష్టినీ ఆకర్షించారు. కార్యక్రమంలో నారాయణ పాఠశాల ఏజీఎం బాలపరమేశ్వర్‌, ప్రిన్సిపాల్‌ సత్యవాణి తదితరులు పాల్గొన్నారు.
