నవతెలంగాణ-బోడుప్పల్‌
తెలంగాణ వడ్డెర సంఘం అండ్‌ చారిటబుల్‌ ట్రస్ట్‌ రాష్ట్ర కార్మిక సంఘం కార్యదర్శి ఆలకుంట్ల సుధాకర్‌ అధ్యక్షతన సోమవారం మేడ్చల్‌ జిల్లా నాయకుల సమావేశం మేడిపల్లి మండల కేంద్రంలో ఏర్పాటు చేశారు. ఈ సమావేశానికి ముఖ్య అతిథిగా రాష్ట్ర అధ్యక్షులు శివరాత్రి అయిలమల్లు విచ్చేసి జిల్లా కమిటీని ప్రకటించారు. మేడ్చల్‌ జిల్లా వర్కింగ్‌ ప్రెసిడెంట్‌గా మేడిపల్లి మండల కేంద్రానికి చెందిన శివరాత్రి సుధాకర్‌, జిల్లా ఉపాధ్యక్షుడుగా కస్తూరి వెంకటేష్‌ను నియమించి నియామకపత్రాలు అందిచారు. అనంతరం శివరాత్రి సుధాకర్‌ మాట్లాడుతూ తనపై నమ్మకంతో బాధ్యత అప్పగించిన రాష్ట్ర కమిటీకి ప్రత్యేక ధన్యవాదాలు తెలిపారు. అనంతరం ఆయన మాట్లాడుతూ ఈ జిల్లాలో ఉన్న వడ్డెర్లను ఐక్యం చేసి వడ్డెర్లను బీసీ జాబితా నుండి ఎస్టీ జాబితాలో చేర్చేవిధంగా కార్యాచరణ చేపడతానని తెలిపారు. ఈ కార్యక్రమంలో రాష్ట్ర ప్రధాన కార్యదర్శి ఎత్తారి గణేష్‌, ఉమ్మడి జిల్లా ఉపాధ్యక్షుడు కస్తూరి ఎల్లయ్య, జిల్లా అధ్యక్షులు ఇరుగుదెండ్ల తిరుపతి, కొమురె వెంకటేష్‌, గండ్ల అంజనేయులు, బోదాస్‌ మల్లేష్‌, బోదాస్‌మధు, గొలుసులు ఏ.మనేందర్‌ పాల్గొన్నారు.
