నవతెలంగాణ-కూకట్‌పల్లి
మూసాపేట్‌ డివిజన్‌ భరత్‌ నగర్ కాలనీ ఈడబ్ల్యూ ఎస్‌లో నీటి సమస్య తీవ్రతపై జలమండలి డీజీఎం రవికుమార్‌కు సమస్యను పరిష్కరించాలని స్థానిక డివిజన్‌ కార్పొరేటర్‌ కోడిచేర్ల మహేందర్‌ కోరారు. ఈడబ్ల్యూఎస్‌ కాలనీలో మంచి నీటి నల్లా నీటి ప్రెజర్‌ తక్కువ రావడం, సిల్ట్‌ తీయక పోవడం, కలుషిత నీరు రావడం వల్ల ప్రజలు ఇబ్బందులు ఎదురుకుంటున్నారని తెలిపారు. ఎందుకు ఇలాంటి సమస్యలు తరుచూ ఏర్పడుతున్నాయని సంబంధిత అధికారి డీజీఎం రవి కుమార్‌ను నీలదీసిన మూసాపేట్‌ కార్పొరేటర్‌ మహేందర్‌ కోడిచెర్ల. బస్తీ ప్రజల సమస్యను తక్షణమే పరిష్కారం అయ్యేలా చూడాలనీ, మున్ముందు ఇలాంటి సమస్యలు రాకుండా చర్యలు తీసుకోవాలలనీ, లేని పక్షంలో ప్రజలు మీ పై ఉద్యమిస్తారని హెచ్చరించారు, ఈ కార్యక్రమంలో బీజేవైఎం జిల్లా అధికార ప్రతినిధి హరి, జిల్లా కార్యవర్గ సభ్యులు అభిలాష్‌, వెంకటేష్‌, విజయ్‌, తదితరులు పాల్గొన్నారు.
