నవతెలంగాణ-సరూర్‌నగర్‌
సరూర్‌నగర్‌ విక్టోరియా మెమోరియల్‌ రెసిడెన్షియల్‌ పాఠశాలలో తెలంగాణ రాష్ట్ర టూరిజం డెవలప్‌మెంట్‌ కార్పొరేషన్‌ చైర్మెన్‌, ఇంటర్నేషనల్‌ వైశ్య ఫెడరేషన్‌ జాతీయ ప్రధాన కార్యదర్శి ఉప్పల శ్రీనివాస్‌ గుప్త క్రీడాకారులకు ఉచిత క్రీడా సామగ్రి పంపిణీ చేశారు. ఈ సందర్భంగా ఆయన మాట్లాడుతూ మన ఊరు-మన బడి కార్యక్రమంలో భాగంగా ప్రభుత్వ, గురుకుల పాఠశాలలను కార్పొరేట్‌ స్కూళ్లకు ధీటుగా తీర్చిదిద్దుతున్నామని అన్నారు. పుట్టిన ఊరును, తల్లిదండ్రులు, గురువులను మరవద్దని, మంచి ఆలోచనతో సేవ చేసేందుకు ముందుకు రావాలని కోరారు. పర్యాటక రంగంలో రాష్ట్రాన్ని తెలంగాణ హబ్‌లాగా మారుస్తున్నామన్నారు. మంత్రి కేటీఆర్‌ పిలుపు మేరకు ప్రతి సోమవారం చేనేత వస్త్రాలు ధరించి చేనేత రంగానికి ప్రాధాన్యం ఇస్తున్నామన్నారు. కార్యక్రమంలో డీసీ కృష్ణయ్య, ప్రిన్సిపాల్‌ శివ పార్వతి తదితరులు పాల్గొన్నారు.
