- ఉప్పల వెంకటేశ్‌
నవతెలంగాణ-సరూర్‌నగర్‌
కష్టపడి చదివితే ప్రభుత్వ ఉద్యోగం సాధించడం సులువు అని ఉప్పల చారిటబుల్‌ ట్రస్ట్‌ చైర్మెన్‌ ఉప్పల వెంకటేశ్‌ అన్నారు. సోమవారం నందు ఆర్మీ అకాడమీ ఆధ్వర్యంలో సరూర్‌నగర్‌లో ఏర్పాటు చేసిన ఈవెంట్‌ సక్సెస్‌ మీట్‌కు హాజరయ్యారు. ఈసందర్భంగా ఆయన మాట్లాడుతూ నందు ఆర్మీ అకాడమీ, ఉప్పల చారిటబుల్‌ ట్రస్టు ఆధ్వర్యంలో తెలంగాణ ఎస్సై, కానిస్టేబుల్‌ పోస్టులకు నాలుగు నెలలుగా 1,200 మందికి కోచింగ్‌ ఇచ్చామని తెలిపారు. అందులో 1,015 విద్యార్థులు ఉత్తీర్ణత సాధించడం ఎంతో సంతోషంగా ఉందన్నారు. ప్రతివిద్యార్థి కష్టపడి ఉద్యోగం సాధించాలని, ఆ సాధనలో ఎలాంటి సహాయం కావాలన్న తనవంతు సహకారం అందిస్తామన్నారు. ఈవెంట్స్‌లో క్వాలిఫై అయిన ప్రతి అభ్యర్థికి ఉప్పల్‌ చారిటబుల్‌ ట్రస్ట్‌ తరఫున త్వరలో ఉచితంగా మెయిన్స్‌కి శిక్షణ తరగతులు నిర్వహిస్తామని చెప్పారు. కార్యక్రమంలో నందు ఆర్మీ ఫిజికల్‌ డైరెక్టర్‌ నందు, విద్యార్థులు పాల్గొన్నారు.
