నవతెలంగాణ-హయత్‌నగర్‌
చత్రపతి శివాజీ మహారాజ్‌ 393వ జయంతి సందర్భంగా మన్సురాబాద్‌ డివిజన్‌ పరిధిలో జడ్జెస్‌ కాలనీ ఫేస్‌-1లో ఉన్న చత్రపతి శివాజీ మహారాజ్‌ విగ్రహానికి ఎల్‌.బి.నగర్ శాసనసభ్యులు దేవిరెడ్డి సుధీర్‌ రెడ్డి, స్థానిక కార్పొరేటర్‌ కొప్పుల నర్సింహారెడ్డిలు ఆదివారం పూలమాల వేసి ఘననివాళులు అర్పించారు. అనంతరం వారు మాట్లాడుతూ ధైర్యానికి, దేశభక్తికి, ధీరత్వానికి ప్రతీక ఛత్రపతి శివాజీ మహారాజ్‌ అన్నారు. చత్రపతి శివాజీ మహారాజ్‌ భరతమాతకు ముద్దుబిడ్డని, చత్రపతి శివాజీని ఆదర్శంగా తీసుకొని ప్రతి ఒక్కరూ దేశభక్తితో ఉండాలని కోరారు. ఈ కార్యక్రమంలో మాజీ కార్పొరేటర్‌ కొప్పుల విఠల్‌ రెడ్డి, కర్మన్‌ఘాట్‌ హనుమాన్‌ టెంపుల్‌ చైర్మెన్‌ పోచబోయిన ఈశ్వరమ్మ యాదవ్‌, మాజీ డివిజన్‌ అద్యక్షులు టంగుటూరి నాగరాజు, జగదీశ్‌ యాదవ్‌, వేములయ్య గౌడ్‌, జక్కిడి రఘువీర్‌ రెడ్డి, రమేష్‌, విజరు భాస్కర్‌రెడ్డి, మార్గం రాజేష్‌, జగదీశ్‌, రాకేశ్‌, కాలనీ సంక్షేమ సంఘం సభ్యులు, కార్యకర్తలు, చత్రపతి శివాజీ మహారాజ్‌ అభిమానులు తదితరులు భారీ ఎత్తున పాల్గొన్నారు.
నాగోల్‌ : మొగల్‌ సామ్రాజ్య పతనాన్ని శాసించి హిందూ సామ్రాజ్యాన్ని నిర్మించిన భరతమాత వీరపుత్రుడు చత్రపతి శివాజీ అని నాగోల్‌ డివిజన్‌ కార్పొరేటర్‌ చింతల అరుణ సురేందర్‌ యాదవ్‌ అన్నారు. ఆదివారం చత్రపతి శివాజీ 393వ జయంతిని పురస్కరించుకొని నాగోల్‌ డివిజన్లో నిర్వహించిన బైక్‌ ర్యాలీలో వారు పాల్గొన్నారు. ఈ కార్యక్రమంలో బీజేపీ నాయకులు చింతల సురేందర్‌నాథ్‌ యాదవ్‌ ,రాఘవచారి, రాజులతోపాటు పలువురు పాల్గొన్నారు.
సంతోష్‌నగర్‌ : ఛత్రపతి శివాజీని నేటి యువత ఆదర్శంగా తీసుకొని ముందుకు సాగాలని సైదాబాద్‌ డివిజన్‌ కార్పొరేటర్‌ కొత్త కాపు అరుణ రవీందర్‌ రెడ్డి అన్నారు. ఆదివారం డివిజన్‌ పరిధిలోని కార్పొరేటర్‌ ఆధ్వర్యంలో సీనియర్‌ నాయకులు, కార్యకర్తలు, బీజేపీ శ్రేణులు, యువజన సంఘ నాయకులు ఛత్రపతి శివాజీ విగ్రహానికి పూలమాలలు వేసి ఘన నివాళులర్పించారు. ఈ కార్యక్రమంలో స్థానిక నాయకులు, కార్యకర్తలు, అభిమానులు, సభ్యులు, యువకులు పెద్దలు తదితరులు పాల్గొన్నారు.
నీతి నిజాయితీతో ప్రజా రంజకంగా పాలన చేసి భవిష్యత్తు తరాలకు ఆదర్శంగా నిలిచిన ఛత్రపతి శివాజీ మహారాజు బీఆర్‌ఎస్‌ యాకత్పురా నియోజకవర్గం ఇన్‌ఛార్జి సామ సుందర్‌రెడ్డి అన్నారు. ఉప్పుగూడ గౌలిపురా, అంబికా నగర్ కాలనీ, డివిజన్‌ పరిధిలోని వద్ద నిర్వహించిన నాయకులు కార్యకర్తలతో కలిసి శివాజీ విగ్రహానికి పూల మాల వేసి ఘన నివాళులర్పించారు. ఈ కార్యక్రమంలో సీనియర్‌ నాయకులు శ్రీరామ్‌ కోటయ్య డివిజన్‌ అధ్యక్షులు సీఎం ప్రవీణ్‌ రాజు పార్టీ శ్రేణులు కార్యకర్తలు తదితరులు పాల్గొన్నారు.
తుర్కయాంజల్ : తుర్కయాంజల్ గ్రామంలో శివాజీ జయంతి వేడుకలు మున్సిపాలిటీ బీజేవైఎం ప్రధాన కార్యదర్శి మారగోని విశాల్‌ గౌడ్‌ ఆధ్వర్యంలో ఆదివారం ఘనంగా నిర్వహించారు. ఈ సందర్భంగా తుర్కయాంజల్ గ్రామంలోని శివాజీ విగ్రహానికి పూలమాలలు వేసి నివాళులు అర్పించారు. ఈ కార్యక్రమానికి ముఖ్య అతిథిగా రాష్ట్ర నాయకులు బోసుపల్లి ప్రతాప్‌, జిల్లా ప్రధాన కార్యదర్శి పోరెడ్డి అర్జున్‌రెడ్డి, జిల్లా ఎస్సీి మోర్చా అధ్యక్షులు బచ్చిగళ్ల రమేష్‌లు హాజరై మాట్లాడుతూ చత్రపతి శివాజీ మొగలాయి సామ్రాజ్యాన్ని కూకుటివేళ్ళతో నేలమట్టం చేసిన మహావీరుడు బలశాలని కొనియాడారు. ఈ కార్యక్రమంలో ఇబ్రహీంపట్నం నియోజకవర్గం కన్వీనర్‌ ఎన్ను యాదగిరి రెడ్డి, శ్రవణ్‌ కుమార్‌, కదారి అనిల్‌ కుమార్‌, బాలకష్ణ గౌడ్‌, విశ్వంత్‌ గౌడ్‌, ఖానాపురం లక్ష్మణ్‌, మల్లెల రమేష్‌, తదితరులు పాల్గొన్నారు.
