నవతెలంగాణ-కుత్బుల్లాపూర్‌
కుత్బుల్లాపూర్‌ నియోజకవర్గం జీడిమెట్ల 132 డివిజన్‌ పరిధిలో ప్రగతి యాత్రలో భాగంగా శుక్రవారం ఎమ్మెల్యే కేపీ వివేకానంద్‌ పర్యటించారు. ఈ మేరకు గోదావరి హౌమ్స్‌ మీదుగా పాదయాత్ర చేస్తూ ప్రశాంత్‌ నగర్ వెన్నెలగడ్డ వరకు ఆయా కాలనీల్లో చేపడుతున్న అభివృద్ధి పనులను పరిశీలించి అక్కడక్కడ నెలకొన్న సమ స్యలను తెలుసుకున్నారు. త్వరలోనే వాటిని పరిష్కరిస్తా మని హామీనిచ్చారు. గోదావరి హౌమ్స్‌లో రూ.69 కోట్లతో చేపడుతున్న ఎస్‌ఎన్‌డీపీ పనులు, రూ.40 లక్షల తో అభివృద్ధి చేస్తున్న పార్క్‌ల అభివృద్ధి పనులను ఎమ్మెల్యే పరిశీలించారు. ఈ కార్యక్రమంలో సీనియర్‌ నాయకులు కుంట సిద్ధిరాములు, సంపత్‌ మాధవ్‌ రెడ్డి, కనకయ్య, మాధవరెడ్డి, జ్ఞానేశ్వర్‌, గుమ్మడి మధుసూదన్‌ రాజు, ఇందిరా రెడ్డి, సురేందర్‌ రెడ్డి, అరుణ రెడ్డి, కాలె నాగేష్‌, కుంటి మల్లేష్‌, నదీమ్‌ రారు, కాలే గణేష్‌, సమ్మయ్య నేత, శ్రీధర్‌ ముదిరాజ్‌, సమీర్‌ సింగ్‌, దేవేందర్‌, శ్రీకాంత్‌, ప్రసాద్‌, నాగేష్‌రెడ్డి, సంధ్య, శివ ముదిరాజ్‌ పాల్గొన్నారు.
