- ఏప్రిల్‌ 30న ఎన్నికలు,
- మార్చి 28, 29 తేదీల్లో నామినేషన్ల స్వీకరణ
నవతెలంగాణ-కంటోన్మెంట్‌
           సికింద్రాబాద్‌ కంటోన్మెంట్‌ బోర్డు ఎన్నికల షెడ్యూల్‌ ఖరారైంది. ఏప్రిల్‌ 30న ఎన్నికలు నిర్వహించనున్నారు. మార్చి 28, 29 తేదీల్లో నామినేషన్లు స్వీకరించానున్నారు.. శుక్రవారం బ్రిగేడియర్‌ సోమా శంకర్‌, బోర్డు సీఈఓ మధు కర్‌ నాయక్‌ ఆధ్వర్యంలో నామినేటెడ్‌ సభ్యుడు రామకృష్ణలు ప్రత్యేకంగా సమావేశమై ఎన్నికల అంశంపై చర్చించారు. బోర్డు సీఈవో మాట్లాడుతూ..అర్హులైన కంటోన్మెంట్‌ నివాసులందరూ ఎలక్షన్‌లో పాల్గొనాలని కోరారు. ఓటరు లిస్ట్‌లో పేరు లేని వారు మార్చి 1వ తేదీ నుంచి 4వ తేదీ వరకు సంబంధిత పత్రాలతో బోర్డు కార్యాలయంలో తమ ఓటు నమోదుకు దరఖాస్తు చేసుకోవాలని సూచించారు. మార్చి 23న ఫైనల్‌ ఓటర్‌ లిస్టును అధికారులు విడుదల చేయనున్నారు.
మార్చి 28, 29 తేదీల్లో నామినేషన్లు స్వీకరిస్తారని, ఏప్రిల్‌ 6 వరకు నామినేషన్‌లు విత్‌ డ్రా చేసుకోవచ్చునని అధికారులు తెలిపారు. ఏప్రిల్‌ 10న పోటీదారుల లిస్ట్‌ను ఖరారు చేయనున్నారు. ఏప్రిల్‌ 30న ఎన్నికలు జరుగు తాయి. సికింద్రాబాద్‌ కంటోన్మెంట్‌లో మొత్తం 8 వార్డులు న్నాయి. రిజర్వేషన్ల ప్రకారం 1,3,4,7 వార్డులు జనరల్‌ కేటగిరీ కాగా 2,5,6 వార్డులు మహిళలకు, 8వ వార్డు షెడ్యూల్‌ క్యాస్ట్‌కు కేటాయించారు.