- సీపీఐ మండల కార్యదర్శి ఉమా మహేష్‌
నవతెలంగాణ-జగద్గిరిగుట్ట
మతసామరస్యాలకు ప్రతీకగా గ్యార్వి ఉత్సవాలు నిలుస్తాయని సీపీఐ కుత్బుల్లాపూర్‌ మండల కార్యదర్శి అన్నారు. ఆదివారం రంగారెడ్డినగర్‌ డివిజన్‌ శివాజీ చౌక్‌ రంగారెడ్డి నగర్ అడ్డా హమాలీ యూనియన్‌ ఆధ్వర్యంలో జరిగిన గ్యార్వి ఉత్సవాల్లో ఆయన ముఖ్యఅతిథిగా పాల్గొని ప్రత్యేక ప్రార్థనలు చేశారు. అనంతరం అన్నదాన కార్యక్రమం నిర్వహించారు. ఈ సందర్భంగా ఆయన మాట్లాడుతూ హిందూ ముస్లింలు సోదర భావంతో మెలుగుతూ ఐక్యతను చాటాలని తెలిపారు. ఈ కార్యక్రమంలో ఏఐటీయూసీ నియోజకవర్గ అధ్యక్షుడు వి. హరనాథ్‌ రావు ,ఏఐటీయూసీ జిల్లా నాయకులు నాగప్ప,హమాలి యూనియన్‌ నాయకులు సోమయ్య, మహబూబ్, సీపీఐ రంగారెడ్డి నగర్ శాఖ నాయకులు జావేద్‌,సామెల్‌, యాదయ్య శాఖ సభ్యులు పాల్గొన్నారు.
మీ స్నేహితులకు రికమెండ్ చెయ్యండి
