నవతెలంగాణ-నాచారం
            వీధి కుక్కల దాడిలో గాయపడిన బాలుడు చాకచక్యంగా తప్పించుకున్నాడు. ఈ ఘటన ఆలస్యంగా వెలుగులోనికి వచ్చింది. మల్లాపూర్‌ డివిజన్‌ పరిధిలోని గ్రీన్‌ హిల్స్‌ కాలనీ చెందిన ఆరేండ్ల బాలుడు ఇంట్లో నుంచి బయటకు వస్తున్న క్రమంలో వీధి కుక్కలు ఒక్కసారిగా వచ్చి దాడికి ప్రయత్నించగా చాకచక్యంగా తప్పించుకోవడంతో పెను ప్రమాదం తప్పింది. సమయానికి బాలుని అక్క బిగ్గరగా అరుస్తూ కుక్కలను చెదరగొట్టడంతో భయాందోళనలతో బాలుడు కిందపడి గాయాల పాలయ్యాడు. అప్పటికే ఓ కుక్క తన వెనుక భాగంలో కుక్క కాటు పడినట్లుగా నిర్ధారణకు వచ్చిన తల్లిదండ్రులు బాలున్ని వెంటనే హాస్పిటల్‌కు తీసుకెళ్లి చికిత్స అందించారు.