- ఎమ్మెల్యే సుధీర్‌ రెడ్డి
నవతెలంగాణ - సరూర్‌నగర్‌
సరూర్‌నగర్‌ వీ.ఎం.హోమ్‌ వాకర్స్‌ అసోసియేషన్‌ సమస్యల పరిష్కారానికి కృషి చేస్తాను అని ఎల్బీనగర్‌ ఎమ్మెల్యే సుధీర్‌ రెడ్డి అన్నారు. శుక్రవారం గడ్డిఆన్నారం డివిజన్‌ బీఆర్‌ఎస్‌ పార్టీ అధ్యక్షులు జక్కుల శ్రీశైలం యాదవ్‌ ఆధ్వర్యంలో సుధీర్‌రెడ్డిని శాలువాలతో ఘనంగా సన్మానిం చారు. ఈ సందర్భంగా సుధీర్‌ రెడ్డి మాట్లాడుతూ సరూర్‌ నగర్ వి.ఎం హోంలో ఆరోగ్యరీత్యా వచ్చే వాకర్స్‌ అందరూ నామీద ఉన్న అభిమానంతో నన్ను సన్మానించడం ఎప్పటికీ మర్చిపోలేనని, అందరికీ ఏ చిన్న పని ఉన్నా తన వద్దకు వస్తే తప్పకుండా న్యాయం చేస్తానని అని అన్నారు. ఈ కార్యక్రమంలో విఎం హోం వాకర్స్‌ అసోసియేషన్‌ కార్యవర్గ సభ్యులు, బీఆర్‌ఎస్‌ పార్టీ ప్రధాన కార్యదర్శి బేర బాలకిషన్‌, బబ్బూరి ఆనంద్‌ కుమార్‌, పీవీటీ మార్కెట్‌ వ్యాపారుల సంక్షేమ సంఘం అధ్యక్షులు కైరం కొండ ధనంజయనేత, కొండ గిరి గౌడ్‌, ఐలయ్య యాదవ్‌, దుబ్బాక శశిధర్‌ రెడ్డి,కబీర్దాస్‌ గౌడ్‌,మేకల వెంకటేశ్వర్‌ రెడ్డి.రావికేశవ నాయుడు,వేణుగోపాల్‌ గౌడ్‌,డాక్టర్‌ సోమన్న, వాకర్స్‌ పాల్గొన్నారు.
