- రాచకొండ సీపీ డీ.ఎస్‌.చౌహాన్‌
నవతెలంగాణ-సిటీబ్యూరో
శాంతి భద్రతల పరిరక్షణకు అధికారులు కట్టుదిట్టమైన చర్యలు తీసుకోవాలని రాచకొండ పోలీస్‌ కమిషనర్‌ డీ.ఎస్‌.చౌహాన్‌ అధికారులను ఆదేశించారు. త్వరలో జరగ నున్న టీచర్‌ ఎమ్మెల్సీ ఎన్నికలు, శ్రీ రామనవమి, హనుమా న్‌జయంతి, రంజాన్‌ మాసం ప్రారంభం సందర్భంగా చేపట్టవలసిన భద్రతా ఏర్పాట్లు, తీసుకోవలసిన చర్యలపై సమీక్షా సమావేశం నిర్వహించారు. శుక్రవారం నేరేడ్‌మె ట్‌లోని రాచకొండ పోలీస్‌ కమిషనరేట్‌లో ఏర్పాటు చేసిన కార్యక్రమంలో డీసీపీలు, ఏసీపీలతోపాటు అన్ని విభాగాల అధికారులు పాల్గొన్నారు. ఊరేగింపుల సమయంలో శాంతి భద్రతల సమస్యలు తలెత్తకుండా కట్టుదిట్టమైన చర్యలు తీసుకోవాలని అధికారులకు సూచించారు. ప్రజలు శాంతి యుతంగా, సంతోషంగా తమ పండుగలు జరుపుకోవాలని, తమ చర్యల ద్వారా ఎటువంటి అవాంఛనీయ సంఘటనలు జరగకుండా ఉండేందుకు పోలీసులతో సహకరించాలన్నారు.
