నవతెలంగాణ-ఓయూ
ఎమ్మెల్సీ కల్వకుంట్ల కవిత జన్మదినాన్ని పురస్కరిం చుకొని గ్రేటర్‌ హైదరాబాద్ నగర డిప్యూటీ మేయర్‌ మోతె శ్రీలత శోభన్‌ రెడ్డి సికింద్రాబాద్‌ పరిధిలోని తార్నాక డివిజన్‌ డిప్యూటీ మేయర్‌ క్యాంప్‌ కార్యాలయంలో సోమవారం ఘనంగా వేడుకలు నిర్వహించారు. అనంతరం బీఆర్‌ఎస్‌ కార్మిక విభాగ అధ్యక్షుడు మోతె శోభన్‌ రెడ్డి తో కలిసి తమ నివాసంలో కేక్‌ను కట్‌ చేసి శుభాకాంక్షలు తెలిపారు. ఈ సందర్భంగా డిప్యూటీ మేయర్‌ మాట్లాడుతూ. మహిళల హక్కుల కోసం మాట్లాడే ఓ ఝాన్సీ రాణి అని కొనియాడారు.
అడిక్‌మెట్‌ : భారత్‌ జాగృతి సమితి అధ్వర్యంలో ఎమ్మెల్సీ కవిత జన్మదిన వేడుకలను అశోక్‌ నగర్ లోని జాగృతి కార్యాలయంలో ఘనంగా నిర్వహించారు. ఈ వేడుకలకు బీఆర్‌ఎస్‌ యువ నాయకుడు ముఠా జయ సింహ హాజరై మాట్లాడుతూ ఎమ్మెల్సీ కవిత వల్లే దేశ వ్యాప్త ంగా మహిళల సాధికారత పెరిగిందన్నారు. కనుమరుగైన బతుకమ్మ పండుగకు జాగృతి కార్యక్రమాల ద్వారా విశిష్ఠత పెరిగిందన్నారు. ఢిల్లీలోని జంతర్‌ మంతర్‌ వద్ద మహిళల కోసం ఎమ్మెల్సీ కవిత పోరాటం చేశారని గుర్తు చేశారు.
