నవతెలంగాణ-హైదరాబాద్
బీజేపీ ముషీరాబాద్‌ డివిజన్‌కు చెందిన శ్రీధర్‌ గౌడ్‌, ప్రేమలతా రెడ్డి, సుకన్య, సిద్దు, శ్రీవల్లి, యాదగిరి తదితరులు శుక్రవారం బీఆర్‌ఎస్‌లో చేరారు. ఈ సందర్భంగా ఎమ్మెల్యే ముఠా గోపాల్‌ వారిని కండువా కప్పి పార్టీలోకి ఆహ్వానించారు. అనంతరం ఏర్పాటు చేసిన విలేకరుల సమావేశంలో ఎమ్మెల్యే ముఠా గోపాల్‌ మాట్లాడుతూ బీఆర్‌ఎస్‌ ఆధ్వర్యంలో జరుగుతున్న అభివృద్ధి, సంక్షేమ పథకాలను చూసి బీజేపీ కార్యకర్తలు తమ పార్టీలో చేరుతున్నారని తెలిపారు. ముషీరాబాద్‌ నియోజకవర్గంలో రూ.కోట్ల నిధులు వెచ్చించి రోడ్లు, డ్రయినేజీ, మంచినీటి పైపులైనులను పెరుగుతున్న జనా భాకు అనుగుణంగా ఆధునీకరించినట్టు తెలిపారు. ఈ కార్యక్రమంలో ముషీరాబాద్‌ డివిజన్‌ అధ్యక్షులు నర్సింగ్‌ ప్రసాద్‌, వర్కింగ్‌ ప్రెసిడెంట్‌ శ్రీధర్‌ రెడ్డి, సీనియర్‌ నాయకులు సోమ సుందరం, సాంబశివరావు, దీన్‌ దయాల్‌ రెడ్డి, శివ ముదిరాజ్‌, లక్ష్మీ గణపతి దేవస్థానం చైర్మన్‌ ముచ్చకుర్తి ప్రభాకర్‌, భిక్షపతి యాదవ్‌, లక్ష్మణ్‌ గౌడ్‌, సుధాకర్‌ గుప్తా, రజిని, తదితరులు పాల్గొన్నారు.
