- ముగ్గురు అరెస్ట్‌, ఒకరు పరారీ
- 30.9 కేజీల గంజాయి స్వాధీనం
నవతెలంగాణ-హయత్‌నగర్‌
ఆర్టీసీ బస్సులో గంజాయి సరఫరా చేస్తున్న వ్యక్తులను హయత్‌నగర్‌ ఎక్సైజ్‌ పోలీసులు సోమవారం పట్టుకున్నారు. ఎక్సైజ్‌ ఇన్‌స్పెక్టర్‌ లక్ష్మణ్‌ గౌడ్‌ తెలిపిన వివరాల ప్రకారం మహారాష్ట్రకు చెందిన ఇమాజ్‌ ఇర్ఫాన్‌ సయ్యద్‌, మహ్మద్‌ అలీ, ప్రదీప్‌ చింతామన్‌ కాంబ్లీలతో పాటుగా శివ తరుణ్‌ అధిక డబ్బు కు ఆశ పడి ఛతీస్‌ఘడ్‌ నుంచి హైదరాబాద్ మీదుగా మహారాష్ట్రకు ఆర్టీసీ బస్సులో అక్రమంగా గంజా యిని తరలిస్తున్నారు. విశ్వసనీయ సమాచారం అందుకున్న హయత్‌నగర్‌ ఎక్సైజ్‌ పోలీసులతో పాటుగా ఎన్‌ఫోర్స్‌ మెంట్‌ శాఖ అధికారులు సంయుక్తంగా కలిసి సోమవారం అబ్దుల్లా పూర్‌మెట్‌ మండలంలోని రామోజీ ఫిల్మ్ సిటీ వద్ద వాహ నాల తనిఖీ నిర్వహించారు. అందులో భాగంగా ఆర్టీసీ బస్సులో ఇమాజ్‌ ఇర్ఫాన్‌ సయ్యద్‌, మహ్మద్‌ అలీ, ప్రదీప్‌ చింతామన్‌ కాంబ్లీలను అదుపులోకి తీసుకుని వారి వద్ద నుంచి 30.9కేజీల గంజాయి స్వాధీనం చేసుకున్నారు. శివ తరుణ్‌ పరారీలో ఉన్నాడు. ఇన్‌స్పెక్టర్‌లు శ్రీధర్‌, శ్రీనివాస్‌ , ఎస్‌ఐ సరళ, లక్ష్మీ నారాయణ, విష్ణు, కూర్మ తదితరులు ఉన్నారు.
