నవతెలంగాణ - మీర్‌పేట్‌
         మీర్‌పేట్‌ శ్రీ చైతన్య పాఠశాల విద్యార్థులు జాతీయ సెర్చ్‌ ఒలంపియాడ్‌ పరీక్షలో ఉత్తమ ప్రతిభ కనబరిచారు. ఈ సందర్భంగా ఉత్తమ ప్రతిభ కనబరిచిన 143 మంది విద్యార్థులు 1వ, 3వ, 5వ తరగతికి చెందిన 28మంది విద్యార్థులకు మీర్‌పేట్‌ శ్రీచైతన్య పాఠశాల ప్రిన్సిపల్‌ సురేష్‌ కుమార్‌ గోల్డ్‌ మెడల్స్‌, సర్టిఫికెట్లను ప్రదానం చేశారు. అనంతరం ఆయన మాట్లాడుతూ ఎన్టీఎస్‌ఒ పరీక్షలకు ఎంపిక అయినందుకు విద్యార్థులను అభినందించారు.
ఇదే పట్టుదలతో విద్యార్థులు చదివి మరింత ముందుకు వెళ్లాలని పాఠశాలకు, ఉపాధ్యాయులకు తల్లిదండ్రులకు మంచి పేరు తీసుకురావాలని ఆశాభావం వ్యక్తం చేశారు.ఈ కార్యక్రమంలో ఏజీఎం సతీష్‌, డీన్‌ ప్రవీణ్‌, కోఆర్డినేటర్‌ రఘువంశి, వైస్‌ ప్రిన్సిపల్‌ ధనలక్ష్మి, ఉపాధ్యాయులు, విద్యార్థులు పాల్గొన్నారు.