నవతెలంగాణ-ఓయూ
బౌద్దనగర్‌ కార్పొరేటర్‌ శైలజ సీనియర్‌ నాయకులు కంది నారాయణతో కలిసి బౌద్ధనగర్‌ పలు ప్రాంతాల్లో శ్రీరామ నవమి వేడుకల్లో పాల్గొన్నారు. ఈ కార్యక్రమంలో శ్రీకాంత్‌, రాజేష్‌, సాయి యాదవ్‌, మనస పాల్గొన్నారు.
ఓయూ : శ్రీరామనవమి సందర్బంగా తార్నాక డివిజన్‌ పరిధిలోని పలు ప్రాంతాల్లో నిర్వహించిన సీతారాముల కల్యాణం మహౌ త్సవంలో బీఆర్‌ఎస్‌ కార్మిక విభాగం రాష్ట్ర అధ్యక్షులు మోతె శోభన్‌ రెడ్డి తార్నాక హనుమాన్‌ నగర్, సండే మార్కెట్‌, కిమ్టి కాలనీ, లాలాపేట్‌, శాంతినగర్‌, శ్రీపూర్‌ నగర్ కాలనీ, వినోబా నగర్ ఆయా ప్రాంతాల్లో ప్రత్యేక పూజలు నిర్వహించారు. అనంత రం పండితులు వేదమంత్రాలతో ఆశీర్వచనం చేసిన అనంతరం నిర్వాహకులు శోభన్‌ రెడ్డిని శాలువాలతో సత్కరించారు. ఈ కార్యక్రమంలో టీటీయూసీ రాష్ట్ర కార్యనిర్వాహక కార్యదర్శి నాను నాయక్‌, జెల్లా బాబు, బీఆర్‌ఎస్‌ నాయకులు పాల్గొన్నారు.
ఓయూ : హబ్సిగూడ కార్పొరేటర్‌ చేతన హరీష్‌ శ్రీరామ నవమి వేడుకల్లో పాల్గొన్నారు. ఆమె డివిజన్‌ పరిధిలో పలు ఆలయాల్లో కల్యాణంలో పాల్గొన్నారు. ఈ కార్యక్రమంలో హరీష్‌ పాల్గొన్నారు.
ఓయూ : సీతాఫల్‌ మండి కార్పోరేటర్‌ సామల హేమ సీతాఫల మండిలోని పలు ప్రాంతాల్లో జరిగిన సీతారాముల కల్యాణ మహౌత్సవంలో కుటుంబ సభ్యులతో కలిసి పాల్గొన్నారు.
ధూల్‌పేట్‌ : శ్రీ రామనవమి సందర్భంగా పాతనగర గౌలిపురా ఛత్రినాకలోని చారిత్రక కోదండ రామస్వామి ఆలయంలో కన్నుల పండువగా సాగిన శ్రీ సీతారామ కల్యాణోత్సవంలో ఆలయ ధర్మకర్తలు కొంపల్లి భరద్వాజ్‌, కొంపల్లి నవీన్‌, ఏర్పాట్లను పర్యవేక్షించారు. ఈ కార్యక్రమంలో స్థానిక కాంగ్రెస్‌ నాయకులు ఎస్‌.పి.క్రాంతి కుమార్‌, తదితరులు పాల్గొన్నారు.
అంబర్‌పేట : సీతారాముల కళ్యాణంను పురస్కరించుకుని స్వామివారి కళ్యాణనానికి ముత్యాల తాళంబ్రాలు, పుస్తెమెట్టెలు, జీలకర్ర బెల్లం సమర్పించి స్వామివారి కళ్యాణం జరిపించిన అంబర్‌పేట నియోజకవర్గం బీఆర్‌ఎస్‌ ఇన్‌చార్జి ఎడ్ల సుధాకర్‌ రెడ్డి దంపతులు.
అంబర్‌పేట : బాగ్‌ అంబర్‌పేట డివిజన్‌ పరిధిలోని మల్లికార్జున్‌ నగర్ లో ప్రముఖ సంఘ సేవకులు బోనం వీరబాబు ఆధ్వర్యంలో శ్రీరామ నవమి వేడుకలు పురస్కరించుకుని పానకం పంపిణీ చేశారు. కార్యక్రమంలో వివిధ పార్టీల నాయకులు పాల్గొన్నారు.
బంజారాహిల్స్‌ : కాంగ్రెస్‌ ఖైరతాబాద్‌ జిల్లా అధ్యక్షులు డాక్టర్‌ సి.రోహిన్‌రెడ్డి జూబ్లీహిల్స్‌ డివిజన్‌ ఇందిరానగర్‌లో సీతారాముల కల్యాణోత్సవంలో స్థానిక కాంగ్రెస్‌ నాయకులతో కలిసి పాల్గొన్నారు. సీతారాముల కళ్యాణ మహౌత్సవం సందర్భంగా ఏర్పాటు చేసిన అన్నదానం కార్యక్రమంలో బీఆర్‌ఎస్‌ ఖైరతాబాద్‌ ఇన్‌చార్జి మన్నె గోవర్ధన్‌ రెడ్డి పాల్గొన్నారు. జూబ్లీహిల్స్‌ కార్పొరేటర్‌ వెల్దండ వెంకటేష్‌ డివిజన్‌ పరిధిలోని వివిధ రామాలయాల్లో ఏర్పాటు చేసిన ప్రత్యేక కార్యక్రమంలో భాగస్వాములై అన్నదాన కార్యక్రమంలో పాల్గొన్నారు. ఖైరతాబాద్‌ ఎమ్మెల్యే దానం నాగేందర్‌ నియోజకవర్గం పరిధిలోని వివిధ రామాలయాల్లో ప్రత్యేక పూజా కార్యక్రమాల్లో పాల్గొన్నారు. ఖైరతాబాద్‌ డివిజన్‌ కార్పొరేటర్‌ పి.విజయారెడ్డి నియోజకవర్గం పరిధిలోని వివిధ రామాలయాలను సందర్శించి కల్యాణంలో పాల్గొన్నారు.
