నవ తెలంగాణ-సంతోష్‌నగర్‌
థర్డ్‌ ఏషియన్‌ ఇంటర్నేషనల్‌ కరాటే ఛాంపియన్షిప్‌ 2023 ఛాంపియన్‌గా నిలిచిన మయూరి పటేల్‌ను మంత్రి హరీష్‌రావు అభినందించారు. ఈ సందర్భంగా మంత్రి మాట్లాడుతూ.. తెలంగాణ ముఖ్యమంత్రి సీఎం కేసీఆర్‌ క్రీడలను పెద్ద ఎత్తున ప్రోత్సహిస్తున్నందున ఎంతోమంది క్రీడాకారులు ఛాంపియన్లుగా నిలుస్తున్నారన్నారు. చిన్నారి మయూరి ఇటీవల గోవాలో జరిగిన 3వ ఇంటర్నేషనల్‌ కరాటే ఛాంపియన్షిప్‌ 2023లో గోల్డ్‌ మెడల్‌ అవార్డు సాధించడం గొప్ప విషయమని, వచ్చే నెలలో జరిగే మలేషియా ఇంటర్నేషనల్‌ ఛాంపియన్షిప్‌లో మరిన్ని విజయాలు సాధించాలన్నా క్రీడాకారులకు తెలంగాణ ప్రభుత్వ ప్రోత్సాహకాలు, సహకారాలు ఎల్లపుడూ ఉంటాయన్నారు. మంత్రిని కలిసిన వారిలో, బీఆర్‌టీయు చంద్రయాన్‌ గుట్ట ఇన్‌చార్జి ఆకుల శ్రీనివాస్‌, కందుకూర్‌ సహకార బ్యాంక్‌ చైర్మెన్‌ దేవరశెట్టి చంద్రశేఖర్‌ పటేల్‌, ఆకుల మైలారం సర్పంచ్‌ గొరిగే కలమ్మ రాజు మాజీ సర్పంచ్‌ నందీశ్వర్‌ పటేల్‌, మాజీ ఉపసర్పంచ్‌ పొన్న అంజయ్య, వార్డ్‌ మెంబర్‌ అల్లం వీరేష్‌ ఉన్నారు.
