నవతెలంగాణ-జవహర్‌నగర్‌
బాబూ జగ్జివన్‌రామ్‌ జీవితం స్ఫూర్తి దాయకం అని, కుల రహిత సమాజం, దళితుల అభివద్ధికి బాబూ జగ్జీవన్‌రామ్‌ చేసిన సేవలు ఆదర్శనీయమని మేయర్‌ మేకల కావ్య అన్నారు. బుధవారం కార్పొరేషన్‌ కార్యాల యంలో మేయర్‌ మేకల కావ్య అధ్యక్షతన జగ్జీవన్‌రామ్‌ జయంతి వేడుకలు నిర్వహించారు. జగ్జీవన్‌ రామ్‌ చిత్రపటానికి పూలమాల వేసి నివాళులర్పించారు. ఈ సందర్భంగా మేయర్‌ కావ్య మాట్లాడుతూ మహనీయుల స్ఫూర్తితో దేశం ఎదుర్కొంటున్న అనేక రుగ్మతులపై పోరాటం చేయలన్నారు. జగ్జీవన్‌ రామ్‌ డాక్టర్‌ బీ.ఆర్‌.అంబేద్కర్‌ ఆశయాలకు అనుగుణంగా తెలంగాణ లో సీఎం కేసీఆర్‌ పాలన సాగిస్తున్నారన్నారు. మహనీ యుల ఉత్సవ కమిటీ అధ్యక్షుడు మండల సురేందర్‌ ఆధ్వర్యంలో కార్పొరేషన్‌ లోని అంబేద్కర్‌ చౌరస్తాలోని బాబు జగ్జీవన్‌రామ్‌ విగ్రహానికి పూలమాల వేసి నివాళులర్పించారు.
ఈ కార్యక్రమంలో డిప్యూటీ మేయర్‌. కమిషనర్‌ రామలింగం, కార్పొరేటర్లు, కోఆప్షన్సభ్యులు, మాజీ సర్పంచ్‌ శంకర్‌ గౌడ్‌ నాయకులు శ్రీకాంత్‌ యాదవ్‌, పరుశురామ్‌, వెంకటేశ్వర్లు, పద్మారావు, రాజుయాదవ్‌, వినరు, మహనీయుల కమిటీ సభ్యులు పాల్గొన్నారు.
