- ఎమ్మెల్యే ఈటల రాజేందర్‌
- కష్టపడి కాకుండా ఇష్టపడి చదవాలి : ఎమ్మెల్యే సుభాష్‌ రెడ్డి
నవతెలంగాణ-హైదరాబాద్
క్రమశిక్షణకు నాణ్యతకు ఉన్నత విద్యా నిలయంగా సత్య సాయి విద్యాసంస్థలు గొప్ప పేరు ప్రఖ్యాతలు సంపాదించాయని ఎమ్మెల్యే ఈటల రాజేందర్‌ తెలిపారు. రామంతపూర్‌ లోని సత్యసాయి విద్యాలయంలో నిర్వహిం చిన 20వ వార్షికోత్సవానికి ఎమ్మెల్యే సుభాష్‌ రెడ్డి, ఎమ్మెల్యే ఈటల రాజేందర్‌, స్థానిక కార్పొరేటర్‌ చేతన హరీష్‌, బండా రు శ్రీవాణీలు పాల్గొన్నారు. ఎమ్మెల్యే ఈటల రాజేందర్‌ మాట్లాడుతూ నేటి బాలలకి మంచి విద్యను అందించడానికి ప్రయత్నిస్తున్న సత్యసాయి విద్యా సంస్థను అభినం దించారు. ఈనాటి విద్యార్థులకు సజనాత్మకతను బయటికి తీసుకు రావడానికి అబకాస్‌ క్రీడ మరి, ఇంగ్లీష్‌ క్లాసెస్‌ ఏర్పాటు చేసిందన్నారు. పేద మధ్యతరగతి విద్యార్థులకు నాణ్యమైన విద్యను అందిస్తున్నారంటూ సత్య సాయి గ్రూప్‌ ఆఫ్‌ స్కూల్స్‌ చైర్మెన్‌ గడ్డం సాయికిరణ్‌ను అభినందిం చారు. ఎమ్మెల్యే సుభాష్‌ రెడ్డి మాట్లాడుతూ ఉప్పల్‌ నియోజకవర్గం లో నాణ్యమైన విద్యను అందిస్తున్న ఏకైక విద్యాసంస్థ సత్యసాయి విద్యాలయం అన్నారు. ఆటల పోటీల్లో, కరాటే , స్పోర్ట్స్‌, అన్ని రంగాల్లో కార్పొరేట్‌ విద్యాసంస్థలకు దీటుగా పదో తరగతిలో మంచి ఉత్తీర్ణత సాధిస్తున్నటువంటి ఏకైక విద్యాసంస్థ సత్య సాయి విద్యాసంస్థ అని చెప్పారు. అలాగే పేద మధ్యతరగతులకు అందుబాటులో ఉన్నటువంటి విద్యాసంస్థ ఇదేనని తెలిపారు. విద్యార్థులు కష్టపడి కాకుండా ఇష్టపడి చదవాలని సూచించారు.
