నవతెలంగాణ-బడంగ్‌పేట్‌
ప్రతీ ఒక్కరికి విద్యతోనే మంచి గుర్తింపు వస్తుందని బీఎస్పీ రాష్ట్ర అధ్యక్షులు డా.అర్‌.ఎస్‌.ప్రవీణ్‌ కుమార్‌ అన్నారు. సోమవారం రాత్రి బాలాపూర్‌ గ్రామంలో బాలాపూర్‌ స్వేరో సర్కిల్‌ నాయకులు మైలరాం జగన్‌ ఆధ్వర్యంలో స్వేరో సర్కిల్‌ సభ్యులు, స్వేరో స్టూడెంట్స్‌ ఏర్పాటు చేసిన భీమ్‌ మండపం సందర్శించారు. అంతకుముందు ఆయనకు ఘనంగా స్వాగతం పలికారు. మహేశ్వరం అసెంబ్లీ అధ్యక్షుడు గుడ్ల శ్రీనివాస్‌ మహరాజ్‌, కమిటీ సభ్యులు బాలాపూర్‌ గ్రామానికి వచ్చిన ప్రవీణ్‌ కుమార్‌ను చూసి ఎంతో ఆనందం వ్యక్తం చేశారు. సర్కిల్‌ సభ్యులు ఎర్ర అశోక్‌, జిల్లా బాలరాజు, విక్రమ్‌, గణేష్‌ శివను సన్మానించారు. ప్రవీణ్‌ కుమార్‌ మాట్లాడుతూ మీరు ఒక్క పూట తినకున్న పర్వాలేదు కానీ మీ బిడ్డలను బాగా చదివించి భవిషత్‌లో ఉన్నత శిఖరాలకు చేరుకునే విధంగా చూడాలన్నారు.ఉన్నత స్థాయిలో చేరి లక్షల రూపాయలు సంపాదిస్తారని, తల్లిదండ్రులు పిల్లల ముందు తిట్టుకోవద్దు, కొట్టుకోవద్దు అని.. వారి ముందు మంచిగా ఉండాలని తల్లిదండ్రులను కోరారు. రానున్న కాలంలో ఇలాంటి భీమ్‌ మండపాలు, గ్రంథాలయాలను నెలకొల్పాలని కోరారు.
