నవతెలంగాణ-బేగంపేట్‌
రోడ్లపై చెత్త వేసేవారి పట్ల కఠినంగా వ్యవహరిం చాలని మంత్రి తలసాని శ్రీనివాస్‌ యాదవ్‌ అధికారులను ఆదేశించారు. బుధవారం మోండా మార్కెట్‌ డివిజన్‌లో గల బండి మెట్‌, మారుతి వీధి, సజన్‌ లాల్‌ వీధులలో వివిధ శాఖల అధికారులతో కలిసి మంత్రి పాదయాత్రగా తిరు గుతూ ప్రజల సమస్యలను అడిగి తెలుసుకున్నారు. స్థానిక ప్రజలు పలు సమస్యలను మంత్రి దృష్టికి తీసుకు రాగా వాటి పరిష్కారానికి తగు చర్యలు తీసుకోవాలని సంబంధిత అధికారులకు అక్కడికక్కడే ఆదేశాలు జారీ చేశారు. ఈ సందర్భంగా ఆయన మాట్లాడుతూ నియోజకవర్గంలోని ప్రజలు ఎదుర్కొంటున్న సమస్యలను పరిష్కరిం చేందుకు కృషి చేస్తానని హామీ ఇచ్చారు. ప్రధానంగా రోడ్లు, సీవరేజ్‌ సమస్యలపైనే మంత్రికి విన్నవించారు. స్పందించిన మంత్రి మాట్లాడుతూ సీవరేజ్‌, వాటర్‌ లైన్‌ ఏర్పాటు చేసిన అనంతరం రోడ్ల నిర్మాణం చేపడతామని హామీ ఇచ్చారు. ప్రజల సమస్యలను తెలుసుకొనేందుకే తాను ఇక్కడకు వచ్చా నని వివరించారు. అన్ని వీధులలో సీవరేజ్‌, వాటర్‌ లైన్‌, రోడ్ల నిర్మాణానికి చర్యలు తీసుకోవాలని అధికారులను ఆదేశించారు. స్థానికంగా ఉన్న పలువురు షాప్స్‌ నిర్వహ కులు చెత్త, ఇతర వ్యర్ధాలను రోడ్లపైనే వేస్తున్నారని, పరిసర ాలు అపరిశుభ్రంగా మారుతున్నాయని మంత్రి దష్టికి స్థాని కులు తీసుకురాగా, రోడ్లపై చెత్త వేసే వారికి జరిమానా విధించడంతో పాటు వారిపై కఠిన చర్యలు తీసుకోవాలని శానిటేషన్‌ అధికారులను ఆదేశించారు. రోడ్లపై వాహనా లను నిలిపి రాకపోకలకు ఇబ్బందులు కల్పిస్తున్నారని మంత్రి కి పిర్యాదు చేయగా, స్పెషల్‌ డ్రైవ్‌ చేపట్టి వాహనాలను తొలగించడంతో పాటు రోడ్లపై తిరిగి వాహ నాలు నిలప కుండా చర్యలు తీసుకోవాలని ట్రాఫిక్‌ పోలీసు లను ఆదేశిం చారు. పలు చోట్ల విద్యుత్‌ తీగలు కిందకు వేలాడుతూ ప్రమాదకరంగా ఉండటంతో వెంటనే వాటిని తొలగిం చేందుకు చర్యలు తీసుకోవాలని ఎలెక్ట్రికల్‌ అధికారులను ఆదేశించారు. సజన్‌ లాల్‌ స్ట్రీట్‌ లో పర్యటన సందర్బంగా సీవరేజ్‌ సమస్య తీవ్రంగా ఉందని, స్థానికంగా ఉన్న నాలా పూడిపోయి వర్షాకాలంలో నీరు నిలిచి ఇబ్బందులు పడుతున్నామని, నాలా పై అక్రమ నిర్మాణం చేపట్టారని తెలపగా వెంటనే నాలాను పూర్తిస్థాయిలో శుభ్రం చేయాలని అధికారులను ఆదేశించారు. అదేవిధంగా నాలాపై చేపట్టిన అక్రమ నిర్మాణాన్ని వెంటనే తొలగించాలని జీహెచ్‌ఎంసీ, టౌన్‌ ప్లానింగ్‌ అధికారులను ఆదేశించారు. మంత్రి వెంట డీసీ ముకుంద రెడ్డి, ఈఈ సుదర్శన్‌, వాటర్‌ వర్క్స్‌ జీఎం రమణారెడ్డి, సికింద్రాబాద్‌ తహసిల్దార్‌ శైలజ, మహంకాళి ఏసీపీ రమేష్‌, మోండా మార్కెట్‌ సీఐ నాగేశ్వరరావు, హార్టికల్చర్‌ డీడీ గణేష్‌, ఎలెక్ట్రికల్‌ ఏడీ కష్ణ, స్ట్రీట్‌ లైట్‌ ఏఈ భరత్‌, నాయకులు తలసాని స్కైలాబ్‌ యాదవ్‌, నాగులు, సత్యనారాయణ, జయరాజ్‌, అమర్‌, బాబులాల్‌, రాము తదితరులు ఉన్నారు.
