Authorization
Mon Jan 19, 2015 06:51 pm
అదేమో గానీ గీ ఏదాది సలెక్కువుంది గానీ సంకురాత్తిరి సంబురాల్ గానొత్తలేవు అంతగనం..
లేకేం రా.. అమిరికల వారం ముంగట్నే మొదలాయె గద
అవునా.. అంత ముంగట్నుంచే ఏం జేసున్లు మామా..
ఏం జేసిన్లని సిన్నగడుగుతవేందిరా..
నీకు సెవుడుగిట్ల రాలేదిగా మామ..
ఎందుకురా..
పెద్దగడగనీకి..
ఏ.. వూకోరా నువ్వు నీ జోకులు..
సరె తిరు గాని ఆడ ఏం జరిగింఫో జెప్పు..
మనం బోగిమంటలు కర్రలు చెక్కలు పిడకలతో ఏస్తమా..
ఆ అవును..
అమిరికల పెబుత్వ భవనాలకు అగ్గిబెట్టిన్లు.. నేను గెలిసిన అని ఒకళ్ళంటే నేను ఓడలే అని ఇగొకళ్ళనుకుంట కోడిపుంజుల్లెక్క కొట్లాడుకునిరి గద.. ఓడిపోయిన్నన్న కసితో ట్రంపుసారే గీ అగ్గి రాజేశిండంట...
ఏంది మామ ఉండుండి ఒక్కనివే అంతగనం నవ్వుతుండబడితివి..
రాత్తిరొక కలొచ్చిందిరా..
అవునా ఏం కలనే గది..
పండగకి అల్లుడు బిడ్డత్తాన్లని శాపలు దేనీకె శాపల మార్కొట్టుకు బోయినట్టు కలొచ్చిందిరా..
ఇండ్ల నవ్వేతిదేమున్నదే..
గాడ్నె ఉందీసలు కత.. గా మార్కొట్ల దేశదేశాలోళ్లచ్చి కరోనా టీకాలు అమ్ముతన్నట్టు కలొచ్చిందిరా.. రకరకాల పేర్లతో రకరకాల టీకాలు..
ఎక్కువ టీకాలు తయారు జేసుడు మంచిదే గదే..
మంచిదేరా.. గానీ ఆళ్ళు శాపల్ అమ్మినట్టు అమ్మటమే నవ్వు తెప్పిచ్చింది.. మా టీకానే మంచిదంటే మా టీకానే మంచిదని పోటీలు బడుకంట, ఆని టీకా మంచిది గాదని ఈడు ఈని టీకా కన్నా మాదే మంచిదని ఇంకొకడు పెచారం జేసుడు.. మస్తు నవ్వు దెప్పిత్తాంది..
ఎవుర్రా గా అరుగుమీద ఇచారంగ గూసున్నది..
మన గంగెడ్లోళ్ల పోరడుగాదె..
అవునా.. పా పోయి కనుక్కుందం ఏందో కత..
ఏందిరా గంగెడ్ల మంగయ్య మస్తు రందివడ్తున్నవ్ ఏంది కత..
ఏం జెప్పాలె దొరా ఎడ్లు మాటింటలేవు.. ఇన్నేండ్లు డూడూ బసవన్నల్లెక్క ఎట్లాడిత్తే అట్లాడుకుంటొచ్చినరు..
ఆ.. అవ్ మల్లిప్పుడేమాయెరా నీ ఆటకు..
నా మాటింటలేవ్ దొరా ఎడ్లు.. ఇనమన్నట్టు ఇంటనేలేవ్..
ఏమంటన్నరు రా అట్లైతే.. రంకెలేత్తన్నరు దొరా కాలు దువ్వుతన్నరు.. ఒళ్ళు ఇదుల్సుకొని బొంతలు ఇసిరి కొడ్తన్నరు....
వారీ అది నీ ఆటలు సాగకపోవుడు గాదు నీమాట ఇనక పోవుడూ అస్సల్ గాదురా..
మల్ల ఇంకేంది దొరా...
ఆడిచ్చమన్నట్టు తలాడిచ్చే రోజులు బోయినరు.. ఇంగ నువ్వు ఆడమన్నట్టు ఆడం, ఇంగ మా తల ఏగరేసుడే అని ఎవుళకో ఎరుక జేత్తన్నట్టురా..
ఎవుళకంటవ్ దొరా..
సూడురా ఎడ్లు రాజధాని దిక్కు జూత్తలెవ్వా..
ఆ.. అవ్ దొరా.. అర్థమయ్యింది అర్థమయ్యింది
- కంచర్ల శ్రీనివాస్
9346611455