నవతెలంగాణ-ఖమ్మం
ఖమ్మం పోలీస్‌ కమిషనర్‌గా విష్ణు వారియర్‌ నియమితులయ్యారు. ప్రస్తుతం ఆదిలాబాద్‌ జిల్లా ఎస్పీగా పని చేస్తున్న ఆయనను రాష్ట్ర ప్రభుత్వం ఖమ్మం పోలీస్‌ కమిషనర్‌ గా బదిలీ చేస్తూ ఆదివారం ఉత్తర్వులు జారీ చేసింది. ఆదివారం జరిగిన ఐపీఎస్‌ ల బదిలీల్లో ముగ్గురు ఐపిఎస్‌ అధికారులను బదిలీ చేసిన ప్రభుత్వం ఖమ్మం పోలీస్‌ కమిషనర్‌ గా విష్ణు వారియర్‌ను నియమించగా. ఖమ్మం పోలీస్‌ కమిషనర్‌ గా పనిచేస్తున్న తఫ్సీర్‌ ఇక్బల్‌ కు ఇంకా పోస్టింగ్‌ దక్కలేదు. 2012 ఐపీఎస్‌ బ్యాచ్‌ కు చెందిన విష్ణు వారియర్‌ ఉమ్మడి ఖమ్మం జిల్లాలో ట్రైనీ ఐపీఎస్‌గా ప్రొబేషనరీ విధులు నిర్వహించారు. తమిళనాడుకు చెందిన విష్ణు వారియర్‌ నిజామాబాద్, నిర్మల్‌ జిల్లాలో పని చేసి ప్రస్తుతం అదిలాబాద్ ఎస్పీగా విధులు నిర్వర్తిస్తున్నారు. తాజాగా ఆయనకు ఖమ్మం పోలీస్‌ కమిషనర్‌ గా నియమితులయ్యారు.
మీ స్నేహితులకు రికమెండ్ చెయ్యండి
