నవతెలంగాణ-సారపాక
బూర్గంపాడు మండలం సారపాకకు చెందిన రిక్షా కార్మికుడు బంగారయ్య (80) మంగళవారం ఇంటి నుంచి వెళ్లిపోయి తిరిగిరాలేదు.
దీంతో ఆయన కుటుంబసభ్యులు పోలీసులను ఆశ్రయించారు. ఫిర్యాదు నమోదు చేసిన పోలీసులు గాలింపు చర్యలు చేపట్టారు. గోదావరి వంతెనపై బంగారయ్య రిక్షా, చెప్పులు కనిపించడంతో నదిలో దూకాడేమోనని గోదావరిలో గాలింపు చర్యలు చేపట్టారు. మంగళ, బుధ వారాల్లో ఆయన అచూకీ లభ్యం కాలేదు. గురువారం ఉదయం తిరిగి గాలింపు చర్యలు ప్రారంభించడంతో బూర్గంపాడు శివారులోని పంప్‌ హౌజ్‌ వద్ద ఆయన మృతదేహం లభించింది. మృతదేహాన్ని పోస్టుమార్టం అనంతరం ఆయన బంధువులకు అప్పగించారు. పోలీసులు దర్యాప్తు చేస్తున్నారు.