నవతెలంగాణ-ములకలపల్లి
ఇల్లెందు యూత్‌ ట్రైనింగ్‌ సెంటర్‌, భద్రాచలం ఐటీడీఏ సంయుక్త ఆధ్వర్యంలో మండల కేంద్రమైన ములకలపల్లిలోని మండల పరిషత్‌ కార్యాలయంలో గిరిజన యువతీ, యువకులకు కౌన్సిలింగ్‌, అభ్యర్థుల ఎంపిక అనంతరం పలు కోర్సుల్లో శిక్షణ ఇచ్చి ఉద్యోగ అవకాశాలు కల్పిస్తున్నట్టు ఎంపీడీవో చిన్న నాగేశ్వరరావు సోమవారం ఒక ప్రకటనలో తెలిపారు. సోలార్‌ ప్యానల్‌ ఇన్స్టాలేషన్‌, లాజిస్టిక్స్‌ ఇన్వెంటరీ క్లర్క్‌, కస్టమర్‌ రిలేషన్‌ షిప్‌ మేనేజ్మెంట్‌, ఫీల్డ్‌ టెక్నీషియన్‌ నెట్‌ వర్కింగ్‌, స్టోరేజ్‌, జనరల్‌ డ్యూటీ అసిస్టెంట్‌, ఫీల్డ్‌ టెక్నీషియన్‌ హౌం అపిలెన్స్‌ కోర్సుల్లో శిక్షణ అనంతరం వారికి ఉద్యోగ అవకాశాలు కల్పిస్తామని తెలిపారు. శిక్షణకు హాజరయ్యే యువతీ, యువకులు ఆధార్‌, కుల, ఆదాయ దృవీకరణ, విద్యార్హతకు సంబంధించిన జిరాక్స్‌, రెండు పాస్పోర్టు సైజ్‌ ఫోటోలతో కౌన్సిలింగ్‌ కు హాజరుకావాలని ఆయన ఆ ప్రకటనలో కోరారు.
