నవతెలంగాణ-లక్ష్మిదేవిపల్లి
లక్ష్మీదేవిపల్లి మండలం రేగల్లాపాడు పాఠశాల ప్రాంగణంలో కలెక్టర్‌ చేతుల మీదుగా జిల్లా ఉత్తమ ఉపాధ్యాయ అవార్డు స్వీకరించిన బానోతు రాములు నాయక్‌ను సోమవారం సర్పంచ్‌ అజ్మీరా శ్రీ రామ్‌, విద్యా కమిటీ చైర్మన్‌ కుమార్‌ ఆధ్వర్యంలో సన్మానించారు. ఈ సందర్భంగా వారు మాట్లాడారు. పాఠశాల ప్రధానోపాధ్యాయులు రాములు నాయక్‌ గత పదేండ్ల నుండి పాఠశాలలో అనేక రకాల అభివృద్ధి కార్యక్రమాలు చేపట్టి, పాఠశాలను కార్పొరేట్‌ పాఠశాల మాదిరిగా తయారు చేశారన్నారు. తదుపరి తోటి ఉపాధ్యాయిని ఎల్‌.పద్మావతిని సన్మానించారు. అభినందన సభ కార్యక్రమంలో వార్డ్‌ నెంబర్‌ జే.రాజేందర్‌, డి.రమేష్‌, యస్‌ఎంసీ కమిటీ సభ్యులు, గ్రామస్తులు, పిల్లల తల్లిదండ్రులు, పూర్వ విద్యార్థులు, మాజీ విద్యా కమిటీ చైర్మన్‌లు బిక్కు, జగన్‌, శ్రీను, బలరాం, యన్‌.మురళి, శంకర్‌ తదితరులు పాల్గొన్నారు.
