నవతెలంగాణ- నేలకొండపల్లి
నేలకొండపల్లి పట్టణానికి చెందిన మన్నే పుల్లయ్య తన మనుమడి పదవ పుట్టినరోజు సందర్భంగా మండల కేంద్రంలో నూతనంగా నిర్మిస్తున్న సిపిఐ(ఎం) కార్యాలయానికి పది వేల రూపాయల విరాళాన్ని అందించారు. మంగళవారం స్థానిక మండల నాయకులను తమ స్వగృహానికి ఆహ్వానించి వారి సమక్షంలో మనుమడు జశ్వంత్‌ పుట్టిన రోజు వేడుకలను కేక్‌ కట్‌ చేసి ఘనంగా నిర్వహించారు. అనంతరం పార్టీ నాయకత్వానికి పదివేల రూపాయల ఆర్థిక సహాయాన్ని అందించారు. పుల్లయ్య కుమారులు లింగారావు, రవి పార్టీలో క్రియాశీలకంగా పనిచేస్తున్నారు. ఈ కార్యక్రమంలో పార్టీ మండల కార్యదర్శి కెవి రామిరెడ్డి, నాయకులు ఏటుకూరి రామారావు, గుడవర్తి నాగేశ్వరరావు, పగిడికత్తుల నాగేశ్వరరావు, డేగల వెంకటేశ్వరరావు తదితరులు పాల్గొన్నారు.