నవతెలంగాణ-ఖమ్మం
దివ్యదీప్తుల దీపావళి జగతిని జాగృతం చేసే చైతన్య దీప్తుల శోభావళి అయిన దీపావళి స్వాగత వేడుకను న్యూవిజన్‌ పాఠశాలలో ఘనంగా నిర్వహించినట్లు పాఠశాల ప్రిన్సిపల్‌ అబాద్‌ అలీ తెలిపారు. మన పండుగలు, సంస్కృతి, వైభవం యొక్క ప్రాధాన్యతను చిన్నారుల్లో నింపుటకు....వారిలో దివ్యదీప్తులను వెలిగించుటకు ఈ కార్యక్రమాన్ని నిర్వహించినట్లు తెలిపారు. దీపాల వెలుగులు మన జీవితాల్లో జ్ఞాన జ్యోతులను వెలిగించాలని చిన్నారులకు ఆశిస్సులను అందించారు. విద్యార్థుల సమక్షంలో దీపావళి బాణాసంచాను కాల్చి వారిలో ఉత్సాహాన్ని నింపారు. కార్యక్రమంలో విద్యాసంస్థల చైర్మన్‌ సిహెచ్‌.జి.కె.ప్రసాద్‌, డైరక్టర్‌ సిహెచ్‌.గోపిచంద్‌, ప్రిన్సిపల్‌ అబాద్‌ అలీ, ఎఓ డి.వెంకటరెడ్డి మరియు ఉపాధ్యాయబృందం పాల్గొన్నారు.