- సీపీఐ(ఎం) రాష్ట్ర కమిటీ సభ్యులు పొన్నం వెంకటేశ్వరరావు
నవతెలంగాణ-చింతకాని
దేశానికి కమ్యూనిస్టులే ప్రత్యామ్నాయమని, భవిష్యత్తు అంతా కమ్యూనిస్టుల కాలమేనని సీపీఐ(ఎం) రాష్ట్ర కమిటీ సభ్యులు పొన్నం వెంకటేశ్వరరావు అన్నారు. పార్టీ మండల కమిటీ ఆధ్వర్యంలో బుధవారం రాజకీయ శిక్షణ తరగతులు నాగులవంచ వంకాయలపాటి రామయ్య ఫంక్షన్‌ హాల్‌లో నిర్వహించారు. ఈ సందర్భంగా ఆయన మాట్లాడారు. హుజూరాబాద్‌ విజయం ఈటల గెలుపుగానే చూడాలి తప్ప బీజేపీ గెలుపు కాదన్నారు. ఈ ఫలితాల నుంచి అన్ని రాజకీయ పార్టీలూ పాఠాలు నేర్చుకోవాలన్నారు. ప్రముఖ విద్యావేత్త షేక్‌ రఫీ మాట్లాడుతూ క్రమశిక్షణకు, నైతిక విలువలు మారుపేరుగా సీపీఐ(ఎం) ఉందన్నారు. కార్యక్రమంలో పార్టీ మండల కార్యదర్శి మడిపల్లి గోపాల్‌రావు, మండల కమిటీ సభ్యులు వత్సవాయి జానకిరాములు, తోటకూర వెంకటనర్సయ్య, ఆలస్యం రవి, మునుకుంట్ల సుబ్బారావు, గడ్డం రమణ, గంటెల స్వామి దాసు, రాచబంటి రాము, రవి, గొపయ్య, లింగం కోటేశ్వరరావు పాల్గొన్నారు.