మణుగూరు : నిరంతర సాధన విజయానికి సోపానమని ఏరియా జనరల్‌ మేనేజర్‌ జక్కం రమేష్‌ అన్నారు. బుధవారం పి.వీ కాలనీ భద్రాద్రి స్టేడియంలో మణుగూరు ఏరియా సింగరేణి ఉద్యోగులకు, క్రీడాకారులకు ఏరియా లెవెల్‌ క్రీడా పోటీలు ప్రారంభించారు. ఈ సందర్భంగా ఆయన మాట్లాడుతూ అకాల మరణం పొందిన క్రీడాకారులకు సంతాపం తెలిపారు. సింగరేణి కార్మికులు ఉత్పత్తి, ఉత్పాదకతలో కాకుండా క్రీడల్లో రాణించాలని కోరారు. పీసీఓఏ క్లబ్‌, సిఈఆర్‌ క్లబ్‌లలో సింథటిక్‌ కోర్టు, ఓపెన్‌ జిమ్‌, కమ్యూనిటీ హాల్‌ను, ఏసి చేసే ప్రక్రియగా సాధన కొనసాగుతుందన్నారు. అనంతరం టీబీజికెఎస్‌ అధ్యక్షులు వూకంటి.ప్రభాకర్‌రావు మాట్లాడుతూ రీజీనల్‌ కంపెనీ లెవెల్‌ కోల్‌ ఇండియా లెవెల్‌లో మణుగూరు క్రీడాకారులు గుర్తింపు తీసుకోచ్చారన్నారు. ఈ కార్యక్రమంలో ఎస్‌ఓటు జీఎం లలిత్‌కుమార్‌, డిజియం పర్సనల్‌ సలగల రమేష్‌ పాల్గొన్నారు.
మీ స్నేహితులకు రికమెండ్ చెయ్యండి
