నవతెలంగాణ- ఖమ్మం ప్రాంతీయ ప్రతినిధి
టీఆర్‌ఎస్‌ రాష్ట్ర నాయకులు వద్దిరాజు రవిచంద్ర (గాయత్రి రవి) కుటుంబ సభ్యులతో కలిసి దీపావళి వేడుకలు జరుపుకున్నారు. తన నివాసంలో కుటుంబ సభ్యులతో కలిసి బాణాసంచా కాల్చి ఉత్సాహంగా గడిపారు. ఈ సందర్భంగా ఆయన జిల్లా ప్రజలకు దీపావళి శుభాకాంక్షలు తెలియజేశారు. చీకట్లను పారదోలి వెలుగులు నింపే పండుగగా దేశమంతా దీపావళి జరుపుకుంటారని అన్నారు. ఈ దీపావళి తెలంగాణ ప్రజల జీవితాల్లో మరిన్ని వెలుగులు నింపాలని గాయత్రి రవి ఆకాంక్షించారు.

రైతుబజార్‌ను పరిశీలించిన వ్యవసాయ మార్కెట్‌ కమిటీ చైర్మన్‌
నవతెలంగాణ- మధిర
మధిర రైతు బజార్‌ను వ్యవసాయమార్కెట్‌ కమిటీ మధిర చైర్మన్‌ చిత్తారి నాగేశ్వరావు శుక్రవారం పరిశీలించారు. ఆయన వెంట కార్యదర్శి లక్ష్మణ్‌ , జగదీష్‌ సిబ్బంది పాల్గొన్నారు.