నవతెలంగాణ-దుమ్ముగూడెం
మండలంలోని పలు పాఠశాలలకు చెందిన విద్యార్ధులకు భద్రాచలం రోటరీ క్లబ్‌ ఆధ్వర్యంలో సోమవారం సోలార్‌ విద్యుత్‌ దీపాలను అందజేశారు. భద్రాచలం మాజీ రోటరీ క్లబ్‌ అధ్యక్షులు మందపాటి సుధాకర్‌ రెడ్డి మనువడు శ్రీయాన్ష్‌ పేరు మీదుగా మండలంలోని పర్ణశాల, దుమ్ముగూడెం, నర్సాపురం జిల్లా పరిషత్‌ పాఠశాలలకు చెందిన విద్యార్దులతో పాటు సీతారాంపురం, మహదేవపురం, అచ్చుతాపురం ఎంపి యుపిఎస్‌ పాఠశాలలకు చెందిన సుమారు 600 వందల మంది విద్యార్దులకు సోలార్‌ విద్యుత్‌ దీపాలను రోజరీ క్లబ్‌ అధ్యక్షులు మధుసూదనరావు చేతుల మీదుగా అంందజేశారు. మండలంలో రోటరీ సేవలను ప్రజలకు చేరువ చేయడంలో మాజీ రోటరీ క్లబ్‌ అధ్యక్షులు మందపాటి సుధాకర్‌ రెడ్డి అనేక సేవా కార్యక్రమాలను ముందుండి అందిస్తున్నారని ఆయన అన్నారు. ఈ కార్యక్రమంలో రోటరీ క్లబ్‌ కార్యదర్శి చలపతిరావు, కోశాధికారి విద్యాసాగర్‌ తో పాటు ఆయా పాఠశాలలకు చెందిన ప్రదానోపాధ్యాయులు ఎస్‌ఎల్‌ కాంతారావు, కె. విజయ, అపకా శంకర్‌రావు, మేరీశ్రీ, ఎజే ప్రభాకర్‌, వరప్రసాద్‌, జయబాబు తదితరులు పాల్గొన్నారు.
