అ హాజరుకానున్న సీపీఐ(ఎం) పొలిట్‌
బ్యూరో సభ్యురాలు బృందా కారత్‌
నవతెలంగాణ-భద్రాచలం
భద్రాచలంలో ఈ నెల 11వ తేదీన మన్యం మార్క్సిస్టు ముద్దుబిడ్డలు, మాజీ శాసనసభ్యులు, అమరవీరులు కామ్రేడ్‌ కుంజా బోజ్జి, కామ్రేడ్‌ సున్నం రాజయ్యల స్మారక స్థూపం ఆవిష్కరణ కార్యక్రమం నిర్వహిస్తున్నట్టు సీపీఐ(ఎం) రాష్ట్ర కమిటీ సభ్యులు ఏజే.రమేష్‌ అన్నారు. మంగళవారం భద్రాచలంలోని అమరవీరుల స్థూపాల ఆవిష్కరణ,స ంస్మరణ సభ ఏర్పాట్లను పార్టీ నాయకులు పరిశీలించారు. ఈ సందర్భంగా ఏజే రమేష్‌ మాట్లాడుతూ 11న స్తూపం ఆవిష్కరణ, సభను విజయవంతం చేయాలని ఆయన అన్నారు. అన్ని వర్గాల ప్రజలు, పార్టీలకతీతంగా ఈ కార్యక్రమంలో పాల్గొనాలని ఆయన పిలుపునిచ్చారు. ఈ కార్యక్రమానికి ముఖ్య అతిధులుగా సీపీఐ(ఎం) పొలిట్‌ బ్యూరో సభ్యురాలు బృందా కారత్‌, తెలంగాణ, ఆంధ్రప్రదేశ్‌ రాష్ట్ర సీపీఐ(ఎం) కార్యదర్శులు తమ్మినేని వీరభద్రం, పి.మధులు హాజరవుతున్నట్టు ఆయన తెలిపారు. అదేవిధంగా సీపీఐ(ఎం)కు చెందిన రాష్ట్ర, జిల్లా నాయకులు భద్రాచలం తరలిరానున్నరని ఆయన తెలిపారు. ఈ కార్యక్రమంలో పట్టణ పార్టీ కార్యదర్శి గడ్డం స్వామి, జిల్లా కమిటీ సభ్యులు ఎం.బీ.నరసారెడ్డి, పట్టణ కార్యదర్శి వర్గ సభ్యులు భీమవరపు వెంకటరెడ్డి, బండారు శరత్‌ బాబు, వై.వి.రామారావు, సున్నం గంగా, యన్‌.నాగరాజు, తదితరులు పాల్గొన్నారు.