500 కిలోలు : విలువ రూ. 50లక్షలు అంచనా
నవరతెలంగాణ- సత్తుపల్లి
సత్తుపల్లి పోలీసులు తగిన సమాచారం మేరకు బుధవారం పట్టణ శివారులోని జేవీఆర్‌ పార్కు వద్ద గంజాయితో వస్తున్న లారీని పట్టుకున్నారు. పట్టుబడిన లారీని స్థానిక పోలీస్‌ స్టేషన్‌కు తరలించారు. అక్రమంగా రవాణాకు అనువుగా ఉండేలా లారీ చాయిస్‌ కింది భాగంలో ప్రత్యేకంగా ఏర్పాటుకు చేసుకున్న కేబిన్‌ నుంచి సుమారు 250కి పైగా గంజారు పార్శిళ్లను స్వాధీనం చేసుకున్నారు. పట్టుబడిన గంజాయి సుమారుగా 500 కిలోలు ఉంటుందని, విలువ సుమారుగా రూ. 50లక్షలకు పైగా ఉండొచ్చని పోలీసు వర్గాలు తెలిపారు. విశాఖపట్నం మీదుగా మహారాష్ట్రకు తరలిస్తుండగా ఈ వాహనం సత్తుపల్లిలో పట్టుపడింది. పూర్తి వివరాలతో గురువారం సీపీ విష్ణు వారియర్‌ సమక్షంలో విలేకర్ల సమావేశం ఏర్పాటు చేసి తెలియడం జరుగుతుందని పట్టణ సీఐ ఎ.రమాకాంత్‌ తెలిపారు.