దంపతులకు పొంగులేటి ఆశీర్వాదం
వధూ వరులకు నూతన వస్త్రాల బహుకరణ
నవతెలంగాణ-ఖమ్మం ప్రాంతీయ ప్రతినిధి
ఉమ్మడి ఖమ్మం జిల్లా మాజీ ఎంపీ, టీఆర్‌ఎస్‌ పార్టీ రాష్ట్ర నాయకులు పొంగులేటి శ్రీనివాసరెడ్డి పర్యటించారు. పర్యటనలో భాగంగా ముదిగొండ, రూరల్‌, ఖమ్మం, చింతకాని, కొణిజర్ల, వైరా, తల్లాడ మండలాల్లో పర్యటించి ఆయన మండలాల్లో జరిగిన వివాహ మహౌత్సవ వేడుకల్లో పాల్గొని వధూవరులను ఆశీర్వదించారు.
ముదిగొండ నవతేజ ఫంక్షన్‌ హాల్‌లో జరిగిన గాలి కోటయ్య కుమార్తె వివాహ మహౌత్సవంలో పాల్గొని వధూవరులను ఆశీర్వదించి శుభాకాంక్షలు తెలిపారు. మండల టీఆర్‌ఎస్‌ నాయకులు మీగడ శ్రీను కుమార్తె వివాహం వెంకటేశ్వర ఫంక్షన్‌ హాల్‌లో జరుగగా వివాహ వేడుకలో పాల్గొని దంపతులను ఆశీర్వదించి నూతన వస్త్రాలను అందజేశారు. ఖానాపురం గ్రామంలో జాలాది అశోక్‌ కుమార్తెల ఓణీల అలంకరణ వేడుకలో పాల్గొని చిన్నారులను దీవించి నూతన వస్త్రాలను బహుకరించారు. ఈ కార్యక్రమంలో వైరా మార్కెట్‌ కమిటీ చైర్మన్‌ గుమ్మా రోశయ్య, జడ్‌పీటీసీ పసుపులేటి వెంకట్‌-దుర్గ, కొణిజర్ల ఎంపీపీ గోసు మధు, సర్పంచ్‌లు మందడపు లకీë, వెంకన్న, అనంతరాములు, బంక మల్లయ్య, పాల్గొన్నారు.
ఖమ్మం రూరల్‌ మండలం గుర్రాలపాడు గ్రామంలో బొల్లం వెంకన్న కుమార్తె వివాహ నిశ్చితార్ధ కార్యక్రమంలో పాల్గొని దంపతులను ఆశీర్వదించారు. గుదిమళ్ల గ్రామంలో బాపుసూక సత్యం కుమారుని వివాహ వేడుకలో పాల్గొని వధూవరులను ఆశీర్వదించి నూతన వస్త్రాలను బహుకరించారు. తెల్దారుపల్లి గ్రామంలో దోసపాటి పార్వతి-వెంకన్న కుమారుని పరిశుద్ద వివాహ వేడుక వేడుక ఎస్‌సిబీసీ ఫంక్షన్‌ హాల్‌లో జరుగగా నూతన జంటను ఆశీస్సులు అందజేశారు. ఈ కార్యక్రమంలో పొంగులేటి వెంట ముదిగొండ జడ్‌పీటీసీ పసుపులేటి దుర్గ-వెంకట్‌, తదితరులు పాల్గొన్నారు.
మాజీ వైరా ఎమ్మెల్యే బానోత్‌ మదన్‌లాల్‌ కుమార్తె వివాహం స్థానిక ఎస్‌ఆర్‌ గార్డెన్స్‌లో జరుగగా వివాహ వేడుకలో పాల్గొని వధూవరులను ఆశీర్వదించి శుభాకాంక్షలు తెలిపారు. డీసీసీబీ చైర్మన్‌ కూరకుల నాగభూషణం ఇంట్లో జరిగిన పడిపూజ కార్యక్రమంలో పాల్గొన్నారు.
అనంతరం ఖమ్మం పట్టణంలోని వెంకటేశ్వర ఫంక్షన్‌ హాల్‌, వివిసీ ఫంక్షన్‌ హాల్‌, ప్యారడైజ్‌ కన్వెన్షన్‌ సెంటర్‌, ఈఆర్‌ఆర్‌ ఫంక్షన్‌ హాల్‌, వెంకట స్థాయి గార్డెన్స్‌, రాజ్‌పథ్‌ ఫంక్షన్‌ హాల్‌, రామకృష్ణ ఫంక్షన్‌ హాల్‌, ఎస్‌ఆర్‌ కన్వెన్షన్‌లలో జరిగిన వివాహ వేడుకల్లో పాల్గొని దంపతులను ఆశీర్వదించి నూతన వస్త్రాలను బహుకరించారు. ఈ కార్యక్రమంలో పొంగులేటి వెంట మాజీ డీసీసీబీ చైర్మన్‌ మువ్వా విజరుబాబు, పాల నాగేశ్వరరావు, తాళ్లూరి రాము, దుంపల రవికుమార్‌ తదితరులు పాల్గొన్నారు.
చింతకాని మండలం నరసింహాపురం, వందనం, కొదుమూరు గ్రామాల్లో జరిగిన వివాహ వేడుకల్లో పాల్గొని నూతన వధూవరులను ఆశీర్వదించి నూతన వస్రాలను అందజేశారు.
కొణిజర్ల మండలం పల్లిపాడు గ్రామంలో జరిగిన వివాహ వేడుకలో పెళ్లికుమారుడు పెళ్లి కుమార్తెను ఆశీర్వదించారు. దంపతులను శుభాకాంక్షలు తెలిపి నూతన వస్త్రాలను అందజేశారు. ఈ కార్యక్రమంలో వైరా మార్కెట్‌ కమిటీ చైర్మన్‌ గుమ్మా రోశయ్య, ఎంపీపీ గోసు మధు, సొసైటీ చైర్మన్‌ చెరుకుమల్లి రవి, స్థానిక ఎంపీటీసీ వింజం విజయ పాల్గొన్నారు.
