నవతెలంగాణ-భద్రాచలం
భద్రాచలంలోని ప్రభుత్వ జూనియర్‌ కళాశాల క్రీడా మైదానంలో ఆదివారం నెహ్రూ రాష్ట్రస్థాయి క్రికెట్‌ పోటీలు ఘనంగా ప్రారంభమయ్యాయి. ఈ క్రికెట్‌ పోటీలను భద్రాచలం ఏఎస్పీ డాక్టర్‌ జి. వినీత్‌, మణుగూరు ఏఎస్పీ శబరీష్‌లు ప్రారంభించారు. ఈ సందర్భంగా వారు మాట్లాడుతూ భద్రాచలంలో గత 28 సంవత్సరాలుగా నెహ్రూ క్రికెట్‌ కప్‌ పోటీలు నిర్వహించడం అభినందనీయమని ఆయన అన్నారు. ఎందరో క్రీడాకారులకు ఈ క్రికెట్‌ పోటీలు మంచి వేదికగా నిలిచాయని వారు అన్నారు. క్రీడల ద్వారా మానసిక ఉల్లాసాన్ని పెంపొందించుకోవచ్చ అని అన్నారు. క్రికెట్‌ పోటీలు గెలుపు, ఓటములు సహజమని అన్నారు. అందరూ క్రీడా స్ఫూర్తితో ఈ పోటీలలో పాల్గొనాలని వారు సూచించారు. అనంతరం దేవస్థానం, పోలీసు జట్ల మధ్య జరిగిన మ్యాచ్‌లో పోలీస్‌ జట్టు విజయం సాధించింది. ఈ కార్యక్రమంలో నెహ్రూ క్రికెట్‌ కప్‌ నిర్వాహకులు అశోక్‌, బాలయోగి, సలీం, శ్రీనివాసరాజు, సదానందం తదితరులు పాల్గొన్నారు.
