నవతెలంగాణ-టేకులపల్లి
మండలంలోని పలు పంచాయతీల్లో ఈజీఎస్‌ ఆధ్వర్యంలో ఏర్పాటు చేసిన నర్సరీలను డీఆర్‌ డీఓ పీడీ మధుసూదన్‌ రాజు మంగళవారం ఆకస్మిక తనిఖీ చేశారు. మండలంలోని గోల్యా తండా, టేకులపల్లి, సులా నగర్, ముత్యాలంపాడు క్రాస్‌ రోడ్‌, గొల్లపల్లి పంచాయతీల నర్సరీలను పరిశీలించారు. మండలంలోని ప్రతి పంచాయతీ నర్సరీలలో ప్రైమరీ బెడ్లు సిద్ధం చేయాలన్నారు. నర్సరీలలో ఎర్రమట్టి, ఇసుక, ఎరువు మూడు కలిపి రేపటి నుంచి మట్టి నింపాలని సూచించారు. నర్సరీలపై అసంతృప్తి కనబరిచారు. ఈ కార్యక్రమంలో ఎంపీడీఓ బాలరాజు, ఏపీఓ వినోద క్రాంతి కుమార్‌, ఈసీ, ఏపీఎం, గ్రామ సర్పంచులు, టీఏలు, కార్యదర్శులు తదితరులు పాల్గొన్నారు.
మీ స్నేహితులకు రికమెండ్ చెయ్యండి
