అ విద్యార్ధులను సత్కరించిన పోలీసులు
నవతెలంగాణ-చర్ల
మారుమూల ఏజెన్సీ ప్రాంత పేరుప్రఖ్యాతలను దేశ నలుదిశలా వ్యాపింప జేస్తున్న విద్యార్థులను చర్ల సీఐ బి.అశోక్‌ ఘనంగా సత్కరించి అభినందించారు. ఏజెన్సీ ప్రాంతం నుండి టార్గెట్‌ బాల్‌ అంతర్జాతీయ స్థాయి పోటీలకు మండల పరిధిలోని కొయ్యూరు గ్రామానికి చెందిన ఇర్పా సంఘమిత్ర, పూసుగుప్ప గ్రామానికి చెందిన సోడి సాయి వినరు, బోధనెల్లి గ్రామానికి చెందిన ఇర్పా అనిత ఎంపికయ్యారు. చిన్ననాటి నుండి టార్గెట్‌ బాల్‌ పోటీలపై ఆసక్తితో దూసుకుపోతున్న ఈ క్రీడాకారులు ఇటీవల ఉత్తర ప్రదేశ్‌లోని సికిందర్‌ బాద్‌లో జరిగిన అంతర్జాతీయ స్థాయి పోటీలకు పాల్గొనడానికి ఆర్థిక స్థోమత లేకపోవడంతో కోచ్‌ వినోద్‌, ఫిజికల్‌ డైరెక్టర్‌ ఈశ్వర్‌ ఆధ్వర్యంలో సీఐని కలిసి వారి ఆర్థిక పరిస్థితులను తెలియ జేయగా మానవత్వంతో స్పందించిన సీఐ అశోక్‌ నేతృత్వంలో, ఎస్సైలు రాజు వర్మ, వెంకటప్పయ్య, చర్ల పోలీస్‌ సిబ్బంది సహాయ సహకారాలతో ఆ ముగ్గు రికి కావలసిన ఆర్థిక సహాయం అందజేశారు. ముగ్గురు విద్యార్థులు జాతీయ స్థాయి పోటీల్లో పాల్గొని త్వరలో బంగ్లాదేశ్‌ దేశంలో, డాకా నగరంలో జరిగే అంతర్జాతీయ స్థాయి పోటీలకు ఎంపికవ్వడం ఎంతో గర్వించదగ్గ విషయం.
