- ప్రముఖ సైకాలజిస్ట్‌ వీరభద్రం
నవతెలంగాణ-భద్రాచలం(బూర్గంపాడు)
ప్రతి విద్యార్థి చదువుతో పాటు క్రమశిక్షణ కలిగి ఉండాలని ప్రముఖ సైకాలజిస్ట్‌ వీరభద్రం అన్నారు. సోమవారం బూర్గంపాడు మండలం సారపాక జిల్లా పరిషత్‌ ఉన్నత పాఠశాలలో పాఠశాల హెచ్‌ఎం తోటమళ్ల రమ ఆధ్వర్యంలో విద్యార్థులకు వ్యక్తిత్వ వికాసంపై అవగాహన కార్యక్రమం నిర్వహించారు. ఈ అవగాహన కార్యక్రమానికి సైకాలజిస్ట్‌ వీరభద్రం ముఖ్యఅతిధిగా హాజరై విద్యార్థులు చదువు పట్ల ఆసక్తి ఎలా పెంచుకోవాలి.. పాటించాల్సిన క్రమశిక్షణ, వ్యక్తిత్వ మార్పులు తదితర అంశాలపై వారికి అవగాహన కల్పించారు. ఈ అవగాహన సదస్సులో పాఠశాల ఉపాధ్యాయులు, విద్యార్ధినీ, విద్యార్థులు పాల్గొన్నారు.