- సూపర్‌ స్పెషాలిటీ ఆసుపత్రికి శంకుస్థాపన
- పాల్గొన్న డీఆర్డీవో ఛైర్మెన్‌ సతీశ్‌రెడ్డి, ట్రస్ట్‌ బాధ్యులు చంద్రభాను సత్పతి, ఎమ్మెల్యే సండ్ర
నవతెలంగాణ- సత్తుపల్లి
సత్తుపల్లి మండలం నారాయణపురంలో శ్రీషిరిడీ సాయిట్రస్ట్‌ ఆధ్వర్యంలో నిర్మాణం జరుగనున్న 250 పడకల సూపర్‌ స్పెషాలిటీ ఆసుపత్రికి సోమవారం శంకుస్థాపన కార్యక్రమాన్ని నిర్వహించారు. డిఫెన్స్‌ రీసెర్చ్‌ అండ్‌ డెవలప్‌మెంట్‌ ఆర్గనైజేషన్‌ ఛైర్మెన్‌ డి.సతీశ్‌రెడ్డి, సాయి ట్రస్ట్‌ బాధ్యులు చంద్రభాను సత్పతి, సత్తుపల్లి ఎమ్మెల్యే సండ్ర వెంకటవీరయ్య చేతుల మీదుగా ఈ శంకుస్థాపన కార్యక్రమాన్ని నిర్వహించారు. సత్తుపల్లి, పరిసర ప్రాంతాల నుంచి పలువురు ప్రముఖులు ఈ కార్యక్రమంలో పాల్గొన్నారు. కార్యక్రమంలో ఆత్మ ఛైర్మెన్‌ శీలపురెడ్డి హరికృష్ణారెడ్డి, ఎంపీపీ దొడ్డా హైమవతిశంకరరావు, జెడ్పీటీసీ కూసంపూడి రామారావు, ఎంపీటీసీ తుంబూరు కృష్ణారెడ్డి, గంగారం సొసైటీ ఛైర్మెన్‌ మందపాటి వెంకటరెడ్డి, నారాయణపురం సర్పంచ్‌ దేశిరెడ్డి రంగారెడ్డి, నాయకులు దొడ్డా శంకరరావు, కూసంపూడి మధుసూదనరావు, కేశవరెడ్డి, ట్రస్ట్‌ బాధ్యులు మాధవి పాల్గొన్నారు.